Қашқадарё вилояти Қарши шаҳрида маст аёлнинг номусига тегган шахсга нисбатан жиноий иш очилди, дея хабар бермоқда вилоят ИИБ матбуот хизмати.

Қайд этилишича, Қарши шаҳар, «Мағзон» МФЙда яшовчи Г.Р. исмли аёл Қарши шаҳар ИИО ФМБ 4-сонли ИИБ бошлиғи номига ариза билан мурожаат қилиб, унда 2020 йил 17 октябрь куни соат 18:30 ларда ўзининг таниши Яккабоғ туманида яшовчи М.Х. билан Қарши шаҳар, «Гулшан» МФЙда жойлашган хонадонга бирга бориб, М.Х. билан бирга ўтириб овқатланиб, спиртли ичимлик истеъмол қилганини, сўнгра у маст бўлиб ўзини йўқотиб қўйганини, ушбу вақтда М.Х. унинг номусига тегиб, жинсий алоқа қилганлигини билдириб, М.Х.га нисбатан қонуний чора кўришни сўраган.

Мазкур ҳолат юзасидан тўпланган ҳужжатлар Қарши шаҳар ИИО ФМБ 4-сонли ИИБ навбатчилик қисмида рўйхатдан ўтказилиб, терговга қадар текширув ҳаракатлари олиб борилган.

Текширув натижаси бўйича Г.Р.нинг мурожаати юзасидан Жиноят процессуал кодексининг 83-моддаси 2-бандига (эълон қилинган амнистия акти содир этилган жиноят ёки шахсга дахлдор бўлса, жиноят ишини тугатиш) асосан жиноят иши қўзғатишни рад этиш тўғрисида қарор қабул қилинган.

Мазкур қарор Қарши шаҳар прокуратураси томондан назорат тартибида ўрганиб чиқилиб, жиноят иши қўзғатишни рад этиш тўғрисидаги қарорни бекор қилиш тўғрисида қарор қабул қилиниб, қўшимча текширув ҳаракатларини олиб бориш учун тўпланган ҳужжатлар Қарши шаҳар 4-сонли ИИБ ТБга юборилган.

Г.Р.нинг мурожаати бўйича Қарши шаҳар 4-сонли ИИБ Тергов бўлими суриштирувчиси томонидан қўшимча терговга қадар текширув ҳаракатлари олиб борилиб, Қарши шаҳар 4-сонли ИИБ ТБ томонидан Жиноят кодексининг 118-моддаси 1-қисми (номусга тегиш) билан ҳолат юзасидан жиноят иши қўзғатилиб, дастлабки тергов ҳаракатлари олиб борилмоқда.

Бундан аввал Ўзбекистонда 2020 йилда вояга етмаганларнинг 500 нафардан ортиғи ўз жонига қасд қилгани, Жасур Умировга нисбатан жиноят иши қўзғатишни рад қилган ИИБ терговчисига ҳайфсан берилгани ҳамда Термизда мактаб ўқувчиси зўрлангани юзасидан жиноий иш қўзғатилгани ҳақида хабар берилганди.