Бир саҳнада етакчи маҳаллий ва хорижий экспертлар, маркетологлар ҳамда йирик компанияларнинг топ-менежерлари чиқиш қилади, улар бошқарув, маркетинг ва сотувлардаги шахсий тажрибалари билан ўртоқлашади. Форум иштирокчиларида бозор экспертларидан долзарб билимлар ва маркетинг ҳамда рекламанинг самарали воситаларини олишнинг ноёб имконияти бўлади.
Makon Marketing Forum — 2021 бизнес форуми 22 майда Тошкентда бўлиб ўтади. Форумда иштирокчиларни Ўзбекистон, Украина, Грузия, Россиядан келган экспертларнинг чиқишлари кутмоқда. Маърузачилар ўз шахсий тажрибалари билан ўртоқлашади ва бизнес учун мураккаб бўлган даврда, лойиҳаларни қандай ривожлантириш тўғрисида маслаҳатлар беради.
«Форумнинг асосий вазифаси — профессионал маркетинг майдонини яратиш. Унда йилда бир марта реал тажриба, билимларга эга маҳаллий ҳамда хорижий маърузачилар энг фаол маркетолог ва тадбиркорларимиз билан учрашади ва ўзининг ҳаётий воқеалари ва ўтган йил давомидаги кузатувларини ҳамкасблар, бошловчи тадбиркорлар билан баҳам кўради. Бу вазифани биз адо этиб келмоқдамиз. Бу йил ушбу форматда учинчи бор маркетологлар ва экспертлар тўпланади ва у мамлакатимизда бизнесни ривожлантираётган мутахассисларни бирлаштирувчи ягона, ҳар йилги тармоқ тадбирига айланади», — деб фикр билдиради форум ташкилотчиси, Миллий маркетинг маркази бошқаруви раиси Диёр Мирзааҳмедов.
Ўтган йилда форум фақат онлайн форматда ўтган эди. Бу йил карантин чоралари ва офлайн иштирокчилар сонига чекловлар ҳали ҳам амалда. Шу сабабли ташкилотчилар бундай маркетинг форумида биринчи марта, иштирокнинг аралаш форматидан фойдаланишга қарор қилди. Бу форумда онлайн қатнашиш ҳам мумкинлигини англатади. Бундай формат бизнес форумда мавжудлик эффектини, барча маърузачилар чиқишларини жонли эфирда кўриш ва тинглаш имкониятини беради. Форум Makon Marketing’нинг YouTube каналида намойиш этилади.
Форумни дунёнинг исталган нуқтасидан кўриш мумкин. Бу эса мамлакатимиздан узоқда бўлган ва Ўзбекистондаги бизнес ҳамда маркетинг борасидаги долзарб масалалар ҳақида хабардор бўлишни истаганларда, бундай талабгир ва долзарб контентдан фойдаланишда географик, вақт ёки бошқа чекловлар бўлмаслигини англатади.
Охирги йилдаги рақобат кучайиши сабабли тобора кўпроқ тадбиркорлар маркетинг бизнесни ривожлантириш муҳимлигини ва сотувларни ошириш нафақат маҳсулот ёки хизматнинг ўзига, балки кўп жиҳатдан тўғри мақомни танлай билишга, истеъмолчининг дардини топа олишга, мақсадли аудитория билан коммуникацияга, маркетинг фаолиятининг кўплаб бошқа таркибий унсурларига боғлиқлигини тушуна бошлади.
Айнан шу сабабли, бу йил бизнес форум слогани шундай янграйди: «Маркетинг бизнесни ривожлантиради!». Makon Marketing Forum — 2021 биринчи навбатда, олға интилиш учун зарур бўлган профессионалларнинг фаол мулоқоти, турли ғоялар ва фикрларни ифодалаш учун майдон. Бу бир кун маркетинг уммонига «шўнғиш» ва индустриянинг долзарб тенденциялари ҳақида барча нарсани билиб олиш имконияти.
Ташкилотчилар Makon Marketing Forum — 2021’да қатнашиш ҳар ким учун янги ривожланиш истиқболларини очишига, самарали воситалар ва тенденциялар тўғрисида билимлар беришига, улар эса рақобатчиларга қараганда жўшқинроқ ривожланиш имконини яратишига аминдир. Улар энг кенг кўламли тармоқ тадбирини фаол қўллаб-қувватлашга таклиф этади.
Makon Marketing Forum — 2021 маърузачилари
- Камрон Ғуломов, Akfa Group бош директори (Ўзбекистон);
- Мурод Назаров, Murad Buildings асосчиси (Ўзбекистон);
- Елена Леонова, РМХА вице-президенти, CEO Progression Group, Seven РА директори (Россия);
- Арина Стрельникова, Seven РА янги бизнес бўйича директор (Россия);
- Николай Чумак, ИДНТ компанияси раҳбари (Украина);
- Зафар Ҳошимов, Korzinka.uz супермаркетлар тармоғи асосчиси (Ўзбекистон);
- Роман Сайфулин, Makro супермаркетлар тармоғи бошқарувчиси (Ўзбекистон);
- Валерий Разумов, Baraka Market дўконлар тармоғи бош директори (Ўзбекистон);
- Михаил Пишванов, Восход РА ривожлантириш бўйича директори (Россия);
- Спартак Тетрашвили, TBC Bank Uzbekistan раҳбари (Грузия).
Бизнес форум якунланиши билан «2020 йил бренди» мукофоти ғолибларини тақдирлашнинг тантанали маросими ўтказилади.
Форум ташкилотчилари
- Ўзбекистон Республикаси Монополияга қарши курашиш қўмитаси, Миллий маркетинг маркази;
- Бош ҳамкор – Akfa Group.
Изоҳ (0)