Рамазон ҳайити муносабати билан Ўзбекистон Президенти Шавкат Мирзиёев номига хорижий давлатлар етакчилари, нуфузли халқаро ташкилотлар раҳбарлари, таниқли сиёсат ва жамоат арбоблари, уламолардан самимий табрик ва тилаклар изҳор этилган қутловлар келмоқда.
Президент матбуот хизматининг хабар беришича, хорижий ҳамкорлар ўз табрикномаларида кўп миллатли ўзбек халқига тинчлик-осойишталик, фаровонлик ва равнақ тилаб, Ўзбекистон билан дўстлик муносабатларини янада мустаҳкамлаш ва кўп қиррали ҳамкорликни кенгайтириш борасидаги интилиши қатъий эканини тасдиқлаган.
Хусусан, қуйидагилар ўз табрикларини йўллаган:
- Саудия Арабистони Подшоҳи, Икки муқаддас масжид ходими Салмон ибн Абдулазиз Ол Сауд;
- Туркия президенти Ражаб Тоййиб Эрдўғон;
- Қозоғистоннинг биринчи президенти — элбоши Нурсултон Назарбоев;
- Қозоғистон президенти Қосим-Жўмарт Тўқаев;
- Туркманистон президенти Гурбангули Бердимуҳамедов;
- Тожикистон президенти Эмомали Раҳмон;
- Қирғизистон президенти Садир Жапаров;
- Озарбайжон президенти Илҳом Алиев;
- Афғонистон президенти Муҳаммад Ашраф Ғани;
- Эрон президенти Ҳасан Руҳоний;
- Миср президенти Абдулфаттоҳ ас-Сиси;
- Бирлашган Араб Амирликлари президенти Халифа бин Зоид Ол Наҳаён;
- Қувайт Амири Наваф ал-Аҳмад ал-Жобир ас-Сабоҳ;
- Уммон султони Ҳайсам бин Ториқ Ал Саид;
- Баҳрайн подшоҳи Ҳамад бин Исо Ал Халифа;
- Иордания подшоҳи Абдулла II;
- Жазоир президенти Абдулмажид Таббун;
- Тунис президенти Қаис Саид;
- Сингапур президенти Ҳалима Ёқуб;
- Фаластин президенти Маҳмуд Аббос;
- Саудия Арабистони подшоҳлиги валиаҳди, Вазирлар Кенгаши раиси ўринбосари, мудофаа вазири Муҳаммад ибн Салмон ибн Абдулазиз Ол Сауд;
- Бирлашган Араб Амирликлари Қуролли кучлари Олий бош қўмондони ўринбосари, Абу-Даби Амирлиги валиаҳди Муҳаммад бин Зоид Ол Наҳаён;
- Бирлашган Араб Амирликлари вице-президенти, бош вазири, Дубай амирлиги ҳокими Муҳаммад бин Рошид Ол Мактум;
- Қувайт валиаҳди Мишаал ал-Аҳмад ал-Жобир ас-Сабоҳ;
- Сингапур бош вазири Ли Сян Лун;
- Ислом тараққиёт банки гуруҳи президенти Бандар бин Муҳаммад Ҳамза Ҳаджар;
- Туркий кенгаш бош котиби Бағдод Амреев;
- Иқтисодий ҳамкорлик ташкилоти бош котиби Ҳоди Сулаймонпур;
- Кавказ мусулмонлари идораси раиси шайхулислом Оллоҳшукур Пошшозода.
Аввалроқ Шавкат Мирзиёев Ўзбекистон халқига Рамазон ҳайити муносабати билан байрам табриги йўллаганди. Давлат раҳбари Қозоғистоннинг биринчи президенти, элбоши Нурсултон Назарбоев, Қирғизистон президенти Садир Жапаров, Туркия президенти Ражаб Тоййиб Эрдўғон билан телефон орқали мулоқот қилиб, бир-бирини Рамазон ҳайити билан табриклаганди.
Изоҳ (0)