Тошкент вилояти Янгийўл туманида юк машинасида ёнғин келиб чиқди, дея хабар бермоқда ЙҲХББ.
Дастлабки маълумотларга кўра, 2021 йилнинг 16 апрель куни соат 10:35 ларда Тошкент вилояти Янгийўл тумани «Нуробод» МФЙ ҳудудидан ўтган М-39 автомобиль йўлининг 832-километрида фуқаро Ж.Қ.га тегишли бўлган «ЗИЛ-130» русумли юк автомобилида ёнғин юзага келган.
Ёнғин ўт ўчирувчилар томонидан бартараф этилган. Ёнғин оқибатида тан жароҳати олган фуқаролар йўқ. Транспорт воситасига зарар етган.
Мазкур ҳодиса юзасидан Янгийўл тумани ИИБ ЙҲХБ ва ФВБ ходимлари томонидан суриштирув ҳаракатлари олиб борилиб, ёнғин юзага келиш сабабларига аниқлик киритилмоқда.
Бундан аввал Сергелидаги полиэтилен маҳсулотларини ишлаб чиқарувчи корхонада йирик ёнғин содир бўлгани, Тошкентдаги «Ўрикзор» бозори яқинида «Запорожец» ёниб кетгани ҳамда Чилонзорда озиқ-овқат дўкони ва тикувчилик цехида ёнғин содир бўлгани ҳақида хабар берилганди.
Изоҳ (0)