Самарқанд вилояти Каттақўрғон туманида Matiz пиёдани уриб кетди. Бу ҳақда «Бу кун» информацион дастурида хабар қилинди.
Қайд этилишича, 2021 йил 5 апрель куни соат 21:00 ларда А. исмли ҳайдовчи маст ҳолатда ўзининг бошқарувида бўлган Matiz русумли автомашинада Каттақўрғон шаҳар Улуғбек Барноев кўчасидан ўтган 4К570 автомобиль йўлининг 2-километрида йўлни кесиб ўтаётган М. исмли пиёдани уриб юборган.
Оқибатда пиёда Каттақўрғон тиббиёт бирлашмасининг жонлантириш бўлимида вафот этган.
Аниқланишича, ҳайдовчи 3 йил ичида 3 маротаба маст ҳолатда машина ҳайдагани учун Маъмурий жавобгарликка тортилган.
Мазкур ҳолат юзасидан Жиноят кодексининг 266-моддаси 2-қисми (одам ўлимига сабаб бўлган транспорт бошқариш қоидаларини бузиш) билан жиноят иши қўзғатилиб, дастлабки тергов ҳаракатлари олиб борилмоқда.
Бундан аввал Тошкентда Malibu ва Lacetti тўқнашуви оқибатида Озарбайжон фуқароси вафот этгани, Фарғонада Lacetti йўлни кесиб ўтаётган 12 ёшли велосипедчини уриб кетгани ҳамда Наманганда Spark ағдарилиб кетиши оқибатида бир киши вафот этгани ҳақида хабар берилганди.
Изоҳ (0)