«Афсоналар кушандалари» бошловчиси «Телба Макс» услубида автомобиль жангини уюштирди (видео)

«Афсоналар кушандалари» телешоуси орқали машҳурликка эришган Адам Севиж исмли телебошловчи ўзининг YouTube’даги каналига Savage Builds номи остидаги сериалининг навбатдаги эпизодини жойлаштирди. Янги сонда уч нафар илм-фан ва техника вакили «Телба Макс» фильмидаги транспорт воситалари услубида яратилган автомобиллар ўртасида жанг уюштирган.

Адам Севижга ижтимоий тармоқларга ўзларининг ноодатий ихтиросини жойлаштириб келадиган Симона Герц ва Лора Кампф рақиблик қилган. Жангда иштирок этиш учун иштирокчилар ўз автомобилларини занжирли конструкция билан жиҳозлаган бўлиб, унга импровизация нишонларини қотирган. Блогерлар ҳужум учун балл ҳисоблашга келишиб олган.

Эксперимент иштирокчилари «қурол» сифатида турли қурилмалардан фойдаланган. Лора ва Адам узоқдан ҳужум қилишни истаган бўлса, Симона яқиндан жанг қилишга мўлжалланган қуролни маъқул кўрган. У рақиблари шинаси тешиш мақсадида машинасининг атрофини металл конструкция ва темир тиканлар билан ўраган. Лора Кампф эса ўзининг Ford Crown Victoria’сини кучайтирилган қўшимча ҳимоя, шунингдек, навес масофадан туриб ҳужум қилиш имконини берадиган навес қурилма билан жиҳозлаган.

Адам Севиж ўз автомобилига голд коптокларини отадиган махсус замбарак ўрнатган. Бундан ташқари, бошловчи машинани металл конструкциялар билан кучайтирган. Шундан сўнг, улар майдонга йўл олиб, жангга киришган.

Аввалроқ «Телба Макс» услубида яратилган 93 ёшли хот-рот сотувга қўйилгани тўғрисида хабар берилганди.