Бугун,

  • USD 11095.31
  • RUB 173.84
  • EUR 10772.44

Сувайш каналини қарийб бир ҳафтага тўсиб қўйган Ever Given контейнер ташувчи кемаси билан юз берган воқеага инсон хатоси сабаб бўлган. Бу ҳақда канал маъмурияти раҳбари Осама Рабиа ўз интервьюсида айтиб ўтди, деб ёзади «Korrespondent.net».

Фото: Reuters

Фото: Reuters

«Кема капитани бошқарувда ёки тезликни тартибга солишда хатога йўл қўйган бўлиши мумкин», — дея таъкидлади Рабиа. Унинг қўшимча қилишича, таҳлиллар бахтсиз ҳодисанинг инсон хатоси натижасида содир бўлган, деб ишонишга имкон беради.

Шунингдек, Усама Рабиа каналдан ўтиш пайтида кемада маҳаллий лоцман (йўл бошловчи) бўлганини, аммо барча маъсулият капитан зиммасида эканини таъкидлади.

«Лоцман маслаҳат беради, аммо якуний қарорни капитан қабул қилади. Биз томондан хато ўтмаган, шунинг учун ҳеч қандай жавобгарликни зиммамизга олмаймиз», — деб қўшимча қилди канал маъмурияти раҳбари.

Эслатиб ўтамиз, 23 март куни Ever Given кемаси кучли шамол ва қум бўрони туфайли йўналишини ўзгартириб, бурун ва қуйруқ қисмлари билан иккала қирғоққа тиралиб қолиб, Сувайш каналининг бир магистралли жанубий қисмини тўсиб қўйган эди. Бунинг натижасида 450 дан ортиқ кемадан иборат тирбандлик юзага келган. Шунингдек, ҳодиса ортидан нефть нархи кескин ўсган.

Сувайш канали орқали икки йўналишда ҳам кемалар ҳаракати 29 март, душанба оқшомидан қайта тикланди.

Аввалроқ Сувайш каналининг тўсилиб қолиши оқибатида етган зарар 1 миллиард долларга баҳолангани ҳақида хабар берилганди. Канал маъмурияти бўлиб ўтган ҳодисада Ever Given кемаси капитанини айбдор деб топди. Кеманинг эгаси эса ишни судга оширмаслик учун зарарни қоплаб бермоқчилигини маълум қилди.

Изоҳ
Асосий янгиликлар
Спорт
Искандаров — энг яхши футболчи, Кападзе — энг яхши мураббий. Ўзбек футболида 2022 йилнинг энг яхшилари аниқланган маросимдан фоторепортаж
Маданият
Фарзандидан айрилган, 3 соат ухлаган, ҳожатхонада фаррошлик қилган: муваффақиятга эришиш йўлида турли қийинчиликлардан ўтган юлдузлар (фото)
Маҳаллий
«Сирдарёда бир сўм ҳам ўғирланмайдиган, коррупциясиз тизим яратилиши керак» — Сардор Умурзоқов