Хитой компанияси томонидан 2020 йилда тақдим этилган Xiaomi Mi 10 флагмани автобус ғилдираклари остида қолиб кетганига қарамай, ишлашни давом этди, деб хабар беради IXBT.
Қурилманинг орқа панелига жиддий шикаст етган, бироқ қизиқ жиҳати, экран бутун қолган, дисплейида вертикал чизиқ пайдо бўлган, холос. Телефон эгасининг таъкидлашича, смартфон ишлашда давом этмоқда.
Weibo ижтимоий тармоғи фойдаланувчиларининг таъкидлашича, Xiaomi’нинг замонавий телефонлари бир неча йил олдинги моделларидан анча мустаҳкам чиқмоқда.
Аввалроқ Xiaomi букланадиган смартфон, янги ноутбуклар ва янгиланган логотипини тақдим этгани, Mi 11 Pro ва 11 Ultra смартфонлари сотувга чиқиши билан бир дақиқада 200 минг донадан ортиқ сотилгани тўғрисида хабар берилганди.
Изоҳ (0)