Xiaomi букланадиган смартфон, янги ноутбуклар ва янгиланган логотипини тақдим этди

Xiaomi компанияси янги қурилмалари тақдимотининг иккинчи қисмида ўзининг биринчи букланувчан смартфони Mi МIХ Fold’ни, Mi Pro линейкасидаги иккита ноутбук, маиший техника, янгиланган логотипни намойиш этди ва электромобиллар ишлаб чиқаришга оид режаси билан бўлишди, деб хабар беради «Afisha.uz».

Логотип

Фирманинг янги услуби Alive («Жонли») номини олган. Унинг устида япониялик график дизайнер Кеня Хара иш олиб борган. Шрифт ва ранг ўзгармаган, бироқ бурчаклар анча юмалоқлашган.

Электромобиллар

Тақдимотда Xiaomi вакиллари ўз электромобилларини ишлаб чиқаришни тасдиқлаган. Бунинг учун компания шўъба корхона яратади. Мазкур ишлаб чиқаришга яқин ўн йил ичида 10 миллиард доллар сармоя киритиш режалаштирилмоқда.

Xiaomi Mi Pro 15 ва Mi Pro 14

Xiaomi’нинг маълум қилишича, янги ноутбуклар катта ҳажмдаги вазифалар билан ишловчи профессионаллар учун мўлжалланган. Уларнинг корпуси алюминийдан ишланган, қувватлантириш тугмасига бармоқ изи сканери ўрнатилган.

Mi Pro 15’га 3,5К сифатни қўллаб-қувватловчи 15 дюймли OLED-дисплей ўрнатилган бўлиб, томонлар нисбати 16:10 ва Гориллар Гласс шишаси билан ҳимояланган. Ноутбук ичига 11-авлод Интел и5 ёки и7 процессори, NVIDIA GeForce МХ450 ёки AMD Ryzen графикаси ўрнатилади. Аккумулятор 100 ваттли тезкор қувватланиш функциясига эга. Корпусида Thunderbolt 4 стандартига кирувчи учта USB-C порти бор.

Mi Pro 14 модели эса 2,5К сифатли ҳамда 120 герцли янгиланиш частотасига эга 14 дюймли дисплейга эга бўлган. Асосий техник тавсифи Mi Pro 15’ники билан бир хил.

Xiaomi Mi Pro 15 ва Mi Pro 14’нинг Хитойдаги нархлари қуйидагича:

• Mi Pro 14 Intel Core и5, 16/512 ГБ — 810 доллар;
• Mi Pro 14 Intel Core i7, 16/512 ГБ — 1070 доллар;
• Mi Pro 14 Intel Core и5, 16/512 ГБ — 990 доллар;
• Mi Pro 14 Intel Core i7, 16/512 ГБ — 1220 доллар.

Xiaomi Mi МIХ Fold

Xiaomi’нинг букланувчан экранга эга Mi МIХ Fold смартфони тақдимотнинг асосий янгилигига айланди. У Samsung Galaxy Z Fold2’даги конструкция каби ичига букланадиган экранга эга бўлади.

Қурилманинг ташқи экрани 6,52 дюймли AMOLED-экран бўлиб, у 840х2520 пиксел ва 90 герцли янгиланиш частотасига эга. Тақдимотда маълум қилинишича, аппаратнинг шарнир механизми 200 минг цикл очилиб/ёпилишга бардошли. Асосий экран 120 герцли янгиланиш частотасига эга 8,01 дюймли экран.

Mi МIХ Fold Snapdragon 888 ва 12 ёки 16 гигабайт тезкор ҳамда 256 ёки 512 гигабайт ичи хотирада ишлайди. Аккумулятор сиғими 5020 мА/соат бўлиб, 67 ваттли тезкор қувватланиш функциясини қўллаб-қувватлайди. Янги қурилманинг интерфейси алоҳида ойна режимида ишлай олади.

Mi МIХ Fold тўртта камерага эга бўлган: дисплейнинг юқори қисмидаги қирқимда жойлашган фронтал, 108 мегапикселли асосий, 13 мегапикселли ултра кенг бурчакли ва 8 мегапикселли телефото. Аппарат фокус оралиғини ўзгартира оладиган ва бир вақтнинг ўзида телефото ва макро суратга олишга хизмат қиладиган суюқ линза билан етказиб берилади.

Mi МIХ Fold’нинг Хитойдаги расмий нархи:

• 12/256 — 1 525 доллар;
• 12/512 — 1 675 доллар;
• 16/512 — 1 980 доллар.