Xitoy kompaniyasi tomonidan 2020-yilda taqdim etilgan Xiaomi Mi 10 flagmani avtobus g‘ildiraklari ostida qolib ketganiga qaramay, ishlashni davom etdi, deb xabar beradi IXBT.
Qurilmaning orqa paneliga jiddiy shikast yetgan, biroq qiziq jihati, ekran butun qolgan, displeyida vertikal chiziq paydo bo‘lgan, xolos. Telefon egasining ta’kidlashicha, smartfon ishlashda davom etmoqda.
Weibo ijtimoiy tarmog‘i foydalanuvchilarining ta’kidlashicha, Xiaomi’ning zamonaviy telefonlari bir necha yil oldingi modellaridan ancha mustahkam chiqmoqda.
Avvalroq Xiaomi buklanadigan smartfon, yangi noutbuklar va yangilangan logotipini taqdim etgani, Mi 11 Pro va 11 Ultra smartfonlari sotuvga chiqishi bilan bir daqiqada 200 ming donadan ortiq sotilgani to‘g‘risida xabar berilgandi.
Izoh (0)