Caviar заргарлик бренди Mortal Kombat афсонавий ўйинининг қаҳрамонларига бағишланган учта моделдан иборат Mortal Collection’ни тақдим этди, деб хабар беради Hi-Tech.Mail.ru.
iPhone 12 Pro Scorpion дизайни Чаён ва унинг қуролидан илҳомланиб ишланган. Модель олтин PVD-қопламали ўта мустаҳкам титандан яратилган. Одатда ундан қимматбаҳо Швейцария соатларини қоплашда фойдаланилади. Смартфон совуқ қуроллар тайёрлашда ишлатиладиган эпоксид қатрон ва шиша толадан иборат кўп қаватли материал билан безатилган.
Шао Кан образи эса Caviar дизайнерларини iPhone 12 Pro Shao Kahn’ни яратишга ундаган. Композит материаллардан иборат қора асосда титан тахт жойлашган. Унда суворий йўқ, бироқ тахт бўш эмас — унга ноодатий жанговар болға жойлаштирилган. Қурол PVD технологияси ёрдамида туширилган ўта юқори ҳароратда қиздирилган титан билан қопланган. Композицияга болға эгаси томонидан яксон этилган душманларнинг рамзи бўлган чаноқ якун ясаган.
Жодугар Шан Цунг эса iPhone 12 Pro Shang Tsung моделининг яратилишига илҳом бағишлаган. Унда жодугарнинг қўли ва мағлуб этилган душман тасврини кўриш мумкин. Ҳарфлар «You soul is mine» иборасини («Қалбинг — меники») ҳосил қилади, улар қоронғуда нур сочади. Шунингдек, смартфонни яратишда асосан титандан фойдаланилган, корпусга тўртта ҳақиқий зумрад ўрнатилган.
Мазкур смартфонлар нархи 369 минг рублдан (4860 доллардан) бошланади.
Аввалроқ Caviar компанияси қарийб 8 минг доллар турувчи iPhone ва 184 минг долларлик iPad’ни намойиш этганди.
Изоҳ (0)