«Манчестер Сити» ҳужумчиси Серхио Агуэро 2020/21 йилги мавсум якунида манчестерликлар сафини тарк этади. Бу ҳақда томонлар расман маълум қилди.
Аргентиналик ҳужумчи «шаҳарликлар» билан жорий мавсум якунига етадиган шартномасини узайтирмаслигини маълум қилди. «Манчестер Сити» ҳам футболчининг бу маълумотини тасдиқлади.
Агуэро 2011 йилнинг ёзида «Манчестер Сити» сафига келиб қўшилганди. У жамоа билан тўрт бор Англия Премьер Лигасини ютиб олди, беш марта Англия Лига Кубоги, уч бор мамлакат Суперкубоги, шунингдек бир марта Англия Кубогида зафар қучди.
Агуэро «Сити» тарихидаги энг яхши тўпурар ҳисобланади — 384 ўйинда 257 та гол.
2011/12 йилги мавсумда Серхио 90+4-дақиқада КПР дарвозасини ишғол қилган ҳолда 1968 йилдан кейин илк бор «Манчестер Сити»га Англия чемпионлигини олиб келганди.
Агуэро 2020/21 йилги мавсумда АПЛда 8 ўйин ўтказиб, биттадан гол ва голли узатмага муаллиф бўлди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)