Футбол бўйича Ўзбекистон миллий терма жамоаси 29 март, душанба куни Ироқ термасига қарши ўртоқлик ўйинида иштирок этди.
Учрашувнинг биринчи бўлими ўртача темпда ўтди ва ҳисоб танаффусга қадар ўзгармади. Иккинчи бўлим дебютида ироқликлар ҳисобни очишга эришди: узоқ масофадан йўлланган зарбани Абдувоҳид Неъматов ушлаб ололмади. Натижада қайтган тўпни Шерко Латиф яқин масофадан дарвозага жойлаб қўйди.
Қолган вақтда Вадим Абрамов шогирдларида бир қатор имкониятлар юзага келди. Бироқ ўзбекистонликлар рақиб дарвозасига йўл топа олмади.
Бундан аввал Ўзбекистон терма жамоаси 26 март куни Наманганда ўтган баҳсда Гананинг захира жамоасини мағлуб этганди.
Ўртоқлик учрашуви
29 март, душанба
Ўзбекистон — Ироқ 0:1
Гол: 0:1 – 56 Шерко Латиф.Ўзбекистон: Абдувоҳид Неъматов, Фаррух Сайфиев (Санжар Қодирқулов, 71), Ислом Тўхтахўжаев, Азим Аҳмедов, Иброҳимхалил Йўлдошев, Отабек Шукуров, Одил Ҳамробеков, Остон Ўрунов (Ойбек Бозоров, 61), Сардор Рашидов (Достонбек Ҳамдамов, 46), Жалолиддин Машарипов, Элдор Шомуродов.
Ироқ: Жалол Ҳассан, Аҳмед Иброҳим, Али Фаёз, Сафаа Ҳади, Ҳуссайн Али (Шерко Карим Латиф, 55), Иброҳим Байиш, Ҳумам Тариқ, Башар Ресан, Амжед Атван (Муҳаммад Қосим, 55), Дургам Исмоил, Алаа Мҳави.
Огоҳлантиришлар: Ҳалаф (41), Тариқ (81).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)