“Manchester Siti” hujumchisi Serxio Aguero 2020/21-yilgi mavsum yakunida manchesterliklar safini tark etadi. Bu haqda tomonlar rasman ma’lum qildi.
Argentinalik hujumchi “shaharliklar” bilan joriy mavsum yakuniga yetadigan shartnomasini uzaytirmasligini ma’lum qildi. “Manchester Siti” ham futbolchining bu ma’lumotini tasdiqladi.
Aguero 2011-yilning yozida “Manchester Siti” safiga kelib qo‘shilgandi. U jamoa bilan to‘rt bor Angliya Premyer Ligasini yutib oldi, besh marta Angliya Liga Kubogi, uch bor mamlakat Superkubogi, shuningdek bir marta Angliya Kubogida zafar quchdi.
Aguero “Siti” tarixidagi eng yaxshi to‘purar hisoblanadi — 384 o‘yinda 257 ta gol.
2011/12-yilgi mavsumda Serxio 90+4-daqiqada KPR darvozasini ishg‘ol qilgan holda 1968-yildan keyin ilk bor “Manchester Siti”ga Angliya chempionligini olib kelgandi.
Aguero 2020/21-yilgi mavsumda APLda 8 o‘yin o‘tkazib, bittadan gol va golli uzatmaga muallif bo‘ldi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)