Samsung компанияси қисман корпусдан чиқиб, 180 даражага бурила оладиган камерага эга смартфонни яратиш устида иш олиб бормоқда. Буни учта оптик компонент, шунингдек, тасвир датчиклари ва чақноққа эга камералар блокининг ностандарт жойлашуви орқали амалга ошириш мумкин, деб хабар беради Hi-Tech.Mail.ru.
Камерани силжитишга мўлжалланган кўтарма механизм корпус ичига яширинган — мазкур ҳолатда смартфон орқа панелининг кўриниши алоҳида ажралиб турмайди. Аммо фойдаланувчи селфига тушишни ёки видеоалоқа орқали бирор ким билан боғланишни хоҳлаб қолса, силжийдиган модуль кўтарилади ва фойдаланувчи томон бурилади. Шу билан бирга, фойдаланилмайдиган тасвир датчиклари автоматик равишда ўчади ва кўздан ғойиб бўлади.
Умуман олганда ушбу ғоя жуда қизиқ, аммо амалиётга бурилиш ва сурилиш функциясига эга камера у қадар мустаҳкам кўринмайди. Корпусдан чиқадиган механизм — суриладиган элементда жойлашган оптик компонент ва датчиклар учун жуда заиф ечим.
Аввалроқ Xiaomi ноодатий дизайнга эга «смартфон-слайдер»ни намойиш этгани, шунингдек, Vivo силжийдиган камерага эга янги флагманини тақдим этгани тўғрисида хабар берилганди.
Мавзуга доир: Xiaomi смартфонлар учун кўринмас камера яратди
Изоҳ (0)