АҚШ Патентлар ва товар белгилари бюроси Apple’нинг бир нечта камерага эга ҳамда эгилувчан корпусга мослашган букланувчи қурилмасига оид аризасини эълон қилди. Компаниянинг янги патенти ҳақида PatentlyApple’га таяниб, «Korrespondent.net» хабар берди.
Гап панорамали тасвирни олиш учун эгилувчан корпуснинг турли жойларига ўрнатиладиган бир нечта камерали қурилма ҳақида кетмоқда.
Эгилувчан корпусга ўрнатилган фотосенсорлар датчикларнинг қамраб олиш кенглигини турли бурчаклар билан таъминлаши керак.
Apple’нинг биринчи эгилувчан смартфони қачон тақдим этилиши номаълум. «Патентдаги технологияда тасвирланган букланувчан iPhone эҳтимол, яқин йилларда пайдо бўлиб қолар», — дейилади хабарда.
Аввалроқ Apple компанияси биринчи букланувчан iPhone’ни тақдим этиш устида иш олиб бораётгани ҳақида хабар берилганди.
Изоҳ (0)