Xitoyning Xiaomi kompaniyasi egiluvchan displey va noodatiy ekran dizayniga ega yangi qurilma eskizlari bilan bo‘lishdi, deb xabar beradi Hi-Tech.Mail.ru.
Konstruksiya xuddi Mi MIX 3 kabi displey-slayderga ega. Biroq eski ixtirodan farqi yangi variantda displey smartfonning old qismini yopib turadi va pastki cheti bilan qurilma orqa paneliga ham o‘tadi. Aftidan, ekransiz joylari — yuqori, yon va orqa tomonining yarmi.
Taxminlarga ko‘ra, korpus ichida rolikli mexanizm mavjud bo‘lib, uning yordamida old panelni pastga siljitish va shu orqali selfi-kamera, yaqinlashtirgich hamda yoritish datchiklarini ochish mumkin. Manbaning ma’lumotlariga ko‘ra, “polzunok”ni ovozli yordamchi orqali boshqarsa ham bo‘ladi.
Boshqacha aytganda, Xiaomi’ning yangi qurilmasi siljiydigan smartfon va to‘liq ekranli dizaynga ega qurilma ko‘rinishidagi “smartfon-slayder” kombinatsiyasi hisoblanadi. Konsept noodatiy, agarda bu kabi smartfon haqiqatan ishlab chiqarilsa, uning narxi arzon bo‘lmaydi.
