Xiaomi ноодатий дизайнга эга «смартфон-слайдер»ни намойиш этди (фото)

Хитойнинг Xiaomi компанияси эгилувчан дисплей ва ноодатий экран дизайнига эга янги қурилма эскизлари билан бўлишди, деб хабар беради Hi-Tech.Mail.ru.

Конструкция худди Mi MIX 3 каби дисплей-слайдерга эга. Бироқ эски ихтиродан фарқи янги вариантда дисплей смартфоннинг олд қисмини ёпиб туради ва пастки чети билан қурилма орқа панелига ҳам ўтади. Афтидан, экрансиз жойлари — юқори, ён ва орқа томонининг ярми.

Тахминларга кўра, корпус ичида роликли механизм мавжуд бўлиб, унинг ёрдамида олд панелни пастга силжитиш ва шу орқали селфи-камера, яқинлаштиргич ҳамда ёритиш датчикларини очиш мумкин. Манбанинг маълумотларига кўра, «ползунок»ни овозли ёрдамчи орқали бошқарса ҳам бўлади.

Бошқача айтганда, Xiaomi’нинг янги қурилмаси силжийдиган смартфон ва тўлиқ экранли дизайнга эга қурилма кўринишидаги «смартфон-слайдер» комбинацияси ҳисобланади. Концепт ноодатий, агарда бу каби смартфон ҳақиқатан ишлаб чиқарилса, унинг нархи арзон бўлмайди.

Аввалроқ Xiaomi смартфонлар учун кўринмас камера яратгани тўғрисида хабар берилганди.