Нўхат шўрва, карам дўлма, омлет ва Пекин карамидан тайёрланадиган бошқа мазали таомлар рецепти

Пекин карамининг таъми ёқимли, барглари эса юмшоқ. У оддий карамлар билан бирдек ишлатилиши мумкин, аммо витамин ва микроэлементлар жиҳатидан анча устун ҳисобланади. Ушбу маҳсулотдан салатларни кўпчилик истеъмол қилган, энди таомлар ҳам тайёрлаб кўриш вақти келди.

Нўхат ҳамда сабзавотли шўрва

Керакли маҳсулотлар:

• Пекин карами – 200 грамм;
• Консерваланган нўхат – 100 грамм;
• Картошка – 1 дона;
• Помидор – 1 дона;
• Сабзи – 1 дона;
• Пиёз – 0,5 дона;
• Ёғ, кўкат, туз ва зираворлар.

1. Пиёз ва сабзи тозаланиб, пиёз тўртбурчак тўғралади, сабзи эса қирғичдан ўтказилади.
2. Карам сомонча, кўкат майда қилиб тўғралади.
3. Пиёз ва сабзи ўртача оловда қовурилади, туз ва зираворлар қўшилади.
4. Тўртбурчак шаклда тўғралган помидор пиёз ва сабзи устидан солинади. 1-2 дақиқага димланади.
5. Тозаланган картошка тўртбурчак шаклда тўғралади ва сабзавотларга қўшилади. Устидан 700 мл сув қуйиб, қайнатилади.
6. Нўхат қўшилгандан кейин ҳам 10 дақиқа давомида қайнатилади. Сўнгра устидан хитой карами ва укроп солинади.
7. Шўрва яна бироз қайнатилади ва идишларга сузилади. Ёқимли иштаҳа!

Керакли маҳсулотлар:

• Пекин карами – 1 та
• Қийма гўшти – 500 грамм;
• Саримсоқ кукуни – ½ чой қошиқ;
• Тимян кукуни – ½ чой қошиқ;
• Қалампир кукуни – ½ чой қошиқ;
• Қора мурч – ½ чой қошиқ;
• Гуруч – 2 ош қошиқ;
• Туз.

• Қовоқча – 1 дона;
• Сабзи, пиёз – 1 дона;
• Помидор – 2 дона;
• Саримсоқ – 1-2 бўлак;
• Ун – 1 ош қошиқ;
• Дафна япроғи – 1 дона.

1. Ишни соус тайёрлашдан бошлаймиз. Гуруч қайнатилади. Қовоқча, сабзи ва пиёз қовурилади. Помидор ёрдамида қизартирилади. Устидан 1 ош қошиқ ун қўшилади. Сув қуйиб, 5 дақиқа қайнатиб олинади. Устидан қаймоқ ва саримсоқ қолинади. Туз, қалампир, карам суви ва дафна солиб, аралаштирилади ва олов ўчирилади.
2. Идишда қайнаб чиққан сув ва карам барглари ажратилиб, солинади. 2 дақиқадан сўнг улар олиниб, совуқ сувга солинади. Карамнинг қаттиқ қисмлари олиб ташланиб, қоғоз салфетка устида қуритилади.
3. Қийма ва пиёз ёғда қовуриб олинади. Карамнинг кесиб олинган қаттиқ қисми ҳам майда тўғралиб, қўшилади. Устидан гуруч, туз ва зираворлар қўшилади. Ҳаммаси яхшилаб аралаштирилади.
4. Карам ичига қиймали начинка солиб, рулет шаклида ўралади ва печ учун мўлжалланган чуқур идишга жойлаштирилади.
5. Соус блендер ёрдамида аралаштирилади. Масса бир хил бўлганидан сўнг дўлмалар устидан қуйилади.
6. 180 даража печга 20 дақиқага қўйилади. Тайёр бўлганидан сўнг соус билан биргаликда идишларга сузилади. Кўкатлар билан безаш мумкин.

Керакли маҳсулотлар:

• Тухум – 2 дона;
• Пекин карами – 80 грамм;
• Пиёз – ½ дона;
• Сут – 2 ош қошиқ;
• Ёғ, туз ва зираворлар.

1. Карам ювилади, пиёз тўртбурчак шаклда тўғралади ва товада қовуриб олинади.
2. Сомонча шаклида тўғралган карам пиёзга қўшиб қовурилади.
3. Тухумга туз ва сут қўшилади. Сабзавотлар устидан тухумли масса қўшилади.
4. Тованинг қопқоғи ёпилади ва омлетнинг усти қизаргунча пиширилади.
5. Қизариб чиққанидан сўнг иккинчи томонга айлантирилади.
6. Кўкатлар билан безатилиб, дастурхонга тортилади.

Керакли маҳсулотлар:

• Пекин карами – 1 дона;
• Товуқ филеси – 1 бўлак;
• Тухум – 3 дона;
• Консерваланган маккажўхори – 1 дона;
• Майонез, туз ва зираворлар.

1. Товуқ гўшти ҳамда тухум қайнатилади.
2. Карам барглари ювилиб, қўл билан ўртача бўлакларга ажратилади ва маккажўхори билан аралаштирилади.
3. Тухум ва товуқ гўшти майда тўғралиб солинади. Майонез, туз ва зираворлар қўшиб аралаштирилади. Ёқимли иштаҳа!

Керакли маҳсулотлар:

• Пекин карами – 1 дона;
• Пиёз – 1 дона;
• Сабзи – 1 дона;
• Тухум – 2 дона;
• Сут – 100 мл;
• Қаттиқ пишлоқ – 50 грамм;
• Сариёғ – 40 грамм;
• Туз ва зираворлар.

1. Пиёз ва сабзи ўрта оловда қовуриб олинади.
2. Пекин карами ювилиб, сомонча шаклида тўғралади. Сабзавотларга қўшиб қовурилади.
3. Идишга сут, тухум, туз ва зираворлар солинади. Санчқи ёрдамида бир хил массага келтирилади.
4. Қовурилган сабзавотлар махсус ёғланган идишга солинади ва устидан сутли аралашма қуйилади.
5. Пишлоқ қирғичдан ўтказилади ва маҳсулотлар юзасига бир текисда солинади.
6. 180 даража печда 25-30 дақиқа давомида пиширилади.