Behi nafaqat mazali meva, balki salat va ovqatlar uchun ham o‘zgacha ta’m beruvchi, vitaminlarga boy ajoyib mahsulot hisoblanadi.

Foto: “Domashniy ochag”

Tovuq go‘shtidan issiq salat

Foto: “Domashniy ochag”

Kerakli mahsulotlar:

  • Tovuq go‘shti – 300 gramm;
  • Behi – 0,5 dona;
  • Salat bargi, ziravorlar, o‘simlik yog‘i, kunjut.

Sous uchun:

  • Soya sousi – 3 osh qoshiq;
  • Asal – 1 osh qoshiq;
  • Sarimsoq – ½ bo‘lak;
  • Zanjabil kukuni – bir chimdim.

Tayyorlanish jarayoni:

  1. Tovuq go‘shtiga ziravorlar sepilib, har ikki tomoni qizarguncha tovada qovurib olinadi. So‘ngra 180 darajada qizigan pechda 7-10 daqiqa davomida pishiriladi;
  2. Behi parrak holida kesilib, tovada ikki tomoni qizarguncha qovuriladi;
  3. Sous uchun mahsulotlar tayyorlanadi: idishga asal, soya sousi, zanjabil, sarimsoq solib, yuqori olovda pishiriladi;
  4. Yassi idishga salat bargi yoyiladi, ustidan behi, uning yuzasidan tovuq go‘shti joylashtiriladi. Sous esa salat ustidan quyiladi. Yuzaga kunjut bilan bezak beriladi;
  5. Yoqimli ishataha!

Qrimcha sho‘rva

Foto: “Domashniy ochag”

Kerakli mahsulotlar:

  • Qo‘y go‘shti – 0,5 kilogramm;
  • Behi – 3 dona;
  • Piyoz – 6 dona;
  • Pomidor – 4 dona;
  • Kartoshka – 4 dona;
  • Sabzi – 4 dona;
  • Suv – 3 litr;
  • Ko‘kat, ziravorlar, tuz.

Tayyorlanish jarayoni:

  1. Idishga suv quyilib, qaynaganidan so‘ng go‘sht solinadi;
  2. Qaynab turgan bulyonga tozalangan sabzi va piyoz butunligicha solinadi;
  3. Go‘sht 1,5-2 soat davomida qaynatiladi va yuzasidan ko‘piklar tozalab turiladi;
  4. Yirik bo‘laklarga bo‘lingan kartoshka, 10 daqiqadan so‘ng to‘rtga bo‘lingan pomidor solinadi;
  5. 10 daqiqa davomida past olovda qaynatiladi;
  6. Behi 20 daqiqaga sovuq suvga solinadi. To‘rtburchak shaklida to‘g‘ralib, o‘simlik yog‘ida qovuriladi. So‘ngra sho‘rvaga solinadi. 10 daqiqa davomida pishiriladi;
  7. Sho‘rvaga ziravorlar solinadi, qozon qopqog‘i 1 daqiqaga yopilib, olov o‘chiriladi;
  8. Taom kosalarga suziladi va ustidan to‘g‘ralgan ko‘katlar sepilib, dasturxonga tortiladi.

Taten tarti

Foto: “Domashniy ochag”

Kerakli mahsulotlar:

  • Qatlamali xamir;
  • Behi – 3-4 dona;
  • Shakar – 100 gramm;
  • Muzqaymoq yoki qaymoq.

Sirop uchun:

  • Shakar – 100 gramm;
  • Dolchin – 1-2 tayoq;
  • Suv – 250 ml.

Tayyorlanish jarayoni:

  1. Behi yuvib, tozalanib, bo‘laklarga bo‘linadi. Shakar suvda qaynatilib, sirop tayyorlanadi. Ichiga maydalangan behi va dolchin solinadi. Yumshaguncha qaynatiladi va siropdan alohida olinadi;
  2. Quruq tovaga shakar sepiladi va qizarguncha aralashtiriladi. Erib, karamel holiga kelganidan so‘ng qolipga quyiladi;
  3. Karamel ustidan behilar joylashtiriladi. Qatlamali xamir juda yupqa qilib yoyiladi va meva ustidan yopiladi. Sanchqi yordamida teshib, 180-200 daraja pechga qo‘yiladi;
  4. Xamir qizarguncha, taxminan 30 daqiqa pishiriladi;
  5. Qolip pechdan olingach, usti yopiladi. Tart asta boshqa idishga olinadi. Qaymoq yoki muzqaymoq bilan dasturxonga tortiladi.

Behili qo‘y go‘shti taomi

Foto: “Domashniy ochag”

Kerakli mahsulotlar:

  • Qo‘y oyog‘i – 1 dona;
  • Behi – 2-3 dona;
  • Sarimsoq – 5-6 bo‘lak;
  • O‘simlik yog‘i – 3 osh qoshiq;
  • Rozmarin – 3-4 yaproq;
  • Tuz va ziravorlar.

Tayyorlanish jarayoni:

  1. Qo‘y oyog‘i yaxshilab yuvib, yog‘lardan tozalanadi;
  2. Sarimsoq tozalanib, maydalanadi. Rozmarin ham maydalanib, sarimsoq bilan aralashtiriladi va o‘simlik yog‘iga solinadi;
  3. Qo‘y oyog‘iga tuz va ziravorlar hamda sarimsoqli aralashma quyiladi. Folga qog‘oziga o‘ralib, muzlatkichga bir kechaga qo‘yiladi;
  4. Taom tayyorlanishdan bir soat avval go‘sht muzlatkichdan olinadi. Pech 200 darajada qizdirladi;
  5. Behi yupqa qilib to‘g‘raladi va go‘sht bilan birgalikda yana folgaga o‘raladi;
  6. Go‘sht 30 daqiqa davomida 200 darajada, so‘ngra pech 160 darajaga tushirilib, yana 1 soat davomida pishiriladi. Pechdan olingan go‘sht 15-20 daqiqa folga ichida qoldiriladi;
  7. Taom qog‘ozdan chiqarilgach, go‘sht bo‘laklarga bo‘linadi. Ko‘katlar bilan bezatilib, dasturxonga tortiladi. Yoqimli ishtaha!