No‘xat sho‘rva, karam do‘lma, omlet va Pekin karamidan tayyorlanadigan boshqa mazali taomlar retsepti

Pekin karamining ta’mi yoqimli, barglari esa yumshoq. U oddiy karamlar bilan birdek ishlatilishi mumkin, ammo vitamin va mikroelementlar jihatidan ancha ustun hisoblanadi. Ushbu mahsulotdan salatlarni ko‘pchilik iste’mol qilgan, endi taomlar ham tayyorlab ko‘rish vaqti keldi.

No‘xat hamda sabzavotli sho‘rva

Kerakli mahsulotlar:

• Pekin karami – 200 gramm;
• Konservalangan no‘xat – 100 gramm;
• Kartoshka – 1 dona;
• Pomidor – 1 dona;
• Sabzi – 1 dona;
• Piyoz – 0,5 dona;
• Yog‘, ko‘kat, tuz va ziravorlar.

1. Piyoz va sabzi tozalanib, piyoz to‘rtburchak to‘g‘raladi, sabzi esa qirg‘ichdan o‘tkaziladi.
2. Karam somoncha, ko‘kat mayda qilib to‘g‘raladi.
3. Piyoz va sabzi o‘rtacha olovda qovuriladi, tuz va ziravorlar qo‘shiladi.
4. To‘rtburchak shaklda to‘g‘ralgan pomidor piyoz va sabzi ustidan solinadi. 1-2 daqiqaga dimlanadi.
5. Tozalangan kartoshka to‘rtburchak shaklda to‘g‘raladi va sabzavotlarga qo‘shiladi. Ustidan 700 ml suv quyib, qaynatiladi.
6. No‘xat qo‘shilgandan keyin ham 10 daqiqa davomida qaynatiladi. So‘ngra ustidan xitoy karami va ukrop solinadi.
7. Sho‘rva yana biroz qaynatiladi va idishlarga suziladi. Yoqimli ishtaha!

Kerakli mahsulotlar:

• Pekin karami – 1 ta
• Qiyma go‘shti – 500 gramm;
• Sarimsoq kukuni – ½ choy qoshiq;
• Timyan kukuni – ½ choy qoshiq;
• Qalampir kukuni – ½ choy qoshiq;
• Qora murch – ½ choy qoshiq;
• Guruch – 2 osh qoshiq;
• Tuz.

• Qovoqcha – 1 dona;
• Sabzi, piyoz – 1 dona;
• Pomidor – 2 dona;
• Sarimsoq – 1-2 bo‘lak;
• Un – 1 osh qoshiq;
• Dafna yaprog‘i – 1 dona.

1. Ishni sous tayyorlashdan boshlaymiz. Guruch qaynatiladi. Qovoqcha, sabzi va piyoz qovuriladi. Pomidor yordamida qizartiriladi. Ustidan 1 osh qoshiq un qo‘shiladi. Suv quyib, 5 daqiqa qaynatib olinadi. Ustidan qaymoq va sarimsoq qolinadi. Tuz, qalampir, karam suvi va dafna solib, aralashtiriladi va olov o‘chiriladi.
2. Idishda qaynab chiqqan suv va karam barglari ajratilib, solinadi. 2 daqiqadan so‘ng ular olinib, sovuq suvga solinadi. Karamning qattiq qismlari olib tashlanib, qog‘oz salfetka ustida quritiladi.
3. Qiyma va piyoz yog‘da qovurib olinadi. Karamning kesib olingan qattiq qismi ham mayda to‘g‘ralib, qo‘shiladi. Ustidan guruch, tuz va ziravorlar qo‘shiladi. Hammasi yaxshilab aralashtiriladi.
4. Karam ichiga qiymali nachinka solib, rulet shaklida o‘raladi va pech uchun mo‘ljallangan chuqur idishga joylashtiriladi.
5. Sous blender yordamida aralashtiriladi. Massa bir xil bo‘lganidan so‘ng do‘lmalar ustidan quyiladi.
6. 180 daraja pechga 20 daqiqaga qo‘yiladi. Tayyor bo‘lganidan so‘ng sous bilan birgalikda idishlarga suziladi. Ko‘katlar bilan bezash mumkin.

Kerakli mahsulotlar:

• Tuxum – 2 dona;
• Pekin karami – 80 gramm;
• Piyoz – ½ dona;
• Sut – 2 osh qoshiq;
• Yog‘, tuz va ziravorlar.

1. Karam yuviladi, piyoz to‘rtburchak shaklda to‘g‘raladi va tovada qovurib olinadi.
2. Somoncha shaklida to‘g‘ralgan karam piyozga qo‘shib qovuriladi.
3. Tuxumga tuz va sut qo‘shiladi. Sabzavotlar ustidan tuxumli massa qo‘shiladi.
4. Tovaning qopqog‘i yopiladi va omletning usti qizarguncha pishiriladi.
5. Qizarib chiqqanidan so‘ng ikkinchi tomonga aylantiriladi.
6. Ko‘katlar bilan bezatilib, dasturxonga tortiladi.

Kerakli mahsulotlar:

• Pekin karami – 1 dona;
• Tovuq filyesi – 1 bo‘lak;
• Tuxum – 3 dona;
• Konservalangan makkajo‘xori – 1 dona;
• Mayonez, tuz va ziravorlar.

1. Tovuq go‘shti hamda tuxum qaynatiladi.
2. Karam barglari yuvilib, qo‘l bilan o‘rtacha bo‘laklarga ajratiladi va makkajo‘xori bilan aralashtiriladi.
3. Tuxum va tovuq go‘shti mayda to‘g‘ralib solinadi. Mayonez, tuz va ziravorlar qo‘shib aralashtiriladi. Yoqimli ishtaha!

Kerakli mahsulotlar:

• Pekin karami – 1 dona;
• Piyoz – 1 dona;
• Sabzi – 1 dona;
• Tuxum – 2 dona;
• Sut – 100 ml;
• Qattiq pishloq – 50 gramm;
• Sariyog‘ – 40 gramm;
• Tuz va ziravorlar.

1. Piyoz va sabzi o‘rta olovda qovurib olinadi.
2. Pekin karami yuvilib, somoncha shaklida to‘g‘raladi. Sabzavotlarga qo‘shib qovuriladi.
3. Idishga sut, tuxum, tuz va ziravorlar solinadi. Sanchqi yordamida bir xil massaga keltiriladi.
4. Qovurilgan sabzavotlar maxsus yog‘langan idishga solinadi va ustidan sutli aralashma quyiladi.
5. Pishloq qirg‘ichdan o‘tkaziladi va mahsulotlar yuzasiga bir tekisda solinadi.
6. 180 daraja pechda 25-30 daqiqa davomida pishiriladi.