Nonushtada tuxumdan turli xil tezpishar taomlar iste’mol qilishga ko‘pchilik o‘rganib qolgan. Shuningdek, aminakislotalar va vitaminlarga boy ushbu mahsulotsiz shirinlik, taom, piroglarni tasavvur ham qilib bo‘lmaydi.

Tuxumli somsa

Foto: Elle

Kerakli mahsulotlar:

“Nachinka” uchun:

  • Qaynatilgan tuxum – 400 gramm;
  • Ko‘k piyoz – 125 gramm;
  • Tuz – 5 gramm;
  • Mayonez – 100 gramm.

Xamir uchun:

  • Smetana – 300 gramm;
  • Sariyog‘ – 180 gramm;
  • Tuz – 10 gramm;
  • Un – 700 gramm.

Tayyorlanish jarayoni:

Sariyog‘ yumshatiladi. Smetana, tuz, un aralashtrilib, xamir qoriladi. Xamir bo‘laklarga bo‘linib, yoyib chiqiladi. Qaynatilgan tuxum qirg‘ichdan o‘tkaziladi. Mayda to‘g‘ralgan ko‘k piyoz, mayonez, tuz, qora murch aralashtiriladi. “Nachinka” 30 grammdan xamir ichiga joylashtiriladi. Somsa usti chimchilab, yopiladi. 180 daraja pechda 10-12 daqiqa pishiriladi.

Okroshka

Foto: Elle

Kerakli mahsulotlar:

  • Gazli suv – 1 litr;
  • Qaynatilgan tuxum sarig‘i – 4 dona;
  • Xantal – 50 gramm;
  • Tuz va ziravor, ko‘katlar.
  • Tozalangan bodring – 40 gramm;
  • Rediska – 30 gramm;
  • Tuxum oqi – 30 gramm;
  • Qaynatilgan til – 50 gramm;
  • Qaynatilgan kartoshka – 40 gramm;
  • Ko‘k piyoz – 10 gramm;
  • Smetana – 30 gramm.

Tayyorlanish jarayoni:

Tuxum sarig‘i xantal bilan maydalanguncha aralashtiriladi. So‘ngra ustidan gazli suv quyiladi. Tuz va ziravorlar qo‘shiladi. Qaynatilgan mahsulotlar somoncha shaklida to‘g‘raladi. Gazli suv qo‘shilgan massa bilan aralashtiriladi. Dasturxonga tortishdan avval ko‘kat va rediskalar bilan bezatiladi.

Karbonara spagettisi

Foto: Elle

Kerakli mahsulotlar:

  • Spagetti – 120 gramm;
  • Qaymoq – 50 ml;
  • Zaytun yog‘i – 10 ml;
  • Tovuq bulyoni – 100 ml;
  • Pishloq – 15 gramm;
  • Tuxum – 2 dona;
  • Mol go‘shti – 30 gramm;
  • Tuz va ziravorlar.

Spagetti yarim tayyor bo‘lgunga qadar pishirib olinadi. Mol go‘shti zaytun moyida qovuriladi. So‘ng ustidan tovuq bulyoni, spagetti va sous aralashtiriladi. Tuxum sarig‘i, pishloq, qaymoq, tuz va murch qo‘shiladi. Yaxshilab aralashtiriladi va idishlarga suziladi. Ustiga tuxum oqi bilan bezak beriladi.

Yoqimli ishtaha!