Қиш мавсумида истеъмол қилиш тавсия этиладиган 3 та мазали шўрва рецепти

Қиш мавсумида витаминларга бой қайноққина шўрвага етадиган нарса йўқ. Ушбу таом нафақат қоринни тўқ тутади, балки турли хил витаминларга бойлиги билан юқумли касалликлардан ҳам ҳимоя қилади.

Мол гўштидан ясмиқ шўрва

Керакли маҳсулотлар:

• Сабзи – 100 грамм;
• Пиёз −150 грамм;
• Мол гўшти – 300 грамм;
• Ясмиқ – 120;
• Булғор қалампири – 200 грамм;
• Зайтун мойи – 50 грамм;
• Сариёғ – 50 грамм;
• Томат пастаси – 400 грамм;
• Саримсоқ – 20 грамм;
• Дафна япроғи – 1 грамм;
• Сув − 1 литр;
• Пишлоқ – 10 грамм;
• Қайнатилган макарон – 30 грамм;
• Кўкат, туз ва зираворлар.

1. Мол гўшти қайнатиб олинади. Зайтун мойида тўртбурчак тўғралган сабзи, пиёз, саримсоқ ва кўкатлар қовуриб олинади. Устидан соус қуйилиб, қайнатилади.
2. Ивитилган ясмиқ қайнатиб олинади. Ясмиқ пишгандан сўнг, устидан сабзавотли аралашма қўшилади. Таъбга кўра туз ва зираворлар солиниб, аралаштирилади.
3. Дастурхонга тортишдан аввал қайнатилган макарон ва пишлоқ солинади.

Керакли маҳсулотлар:

• Қўй оёғи – 250 грамм;
• Гуруч – 10 грамм;
• Саримсоқ – 30 грамм;
• Сариёғ – 10 грамм;
• Мол гўшти бульони – 1,5 литр
• Туз ва зираворлар.

Қўзичоқ оёғи мол гўштли бульонда пиширилади. Сариёғга аччиқ қалампир зиравори қўшилади. Устидан бульон, гуруч ва тайёр гўшт солиниб, паст оловда қайнатиб олинади ва тайёр бўлишидан 3 дақиқа аввал саримсоқ қўшилади. Ёқимли иштаҳа!

Лўли кабобли харчо шўрваси

Керакли маҳсулотлар:

• Мол гўшти бульони – 200 мл;
• Пиёз – 30 грамм;
• Томат пастаси – 35 грамм;
• Ўсимлик ёғи – 10 грамм;
• Ткемали соуси – 5 грамм;
• Помидор – 35 грамм;
• Қайнатилган гуруч – 20 грамм;
• Саримсоқ – 5 грамм;
• Ажика – 20 грамм;
• Зайтун ёғи – 5 мл;
• Қўй гўшти қиймаси – 70 грамм;
• Кўкат, туз ва зираворлар, саримсоқ мойи.

1. Пиёз ўсимлик ёғида қовурилади. Томат пастасида ажика, соуслар ва зираворлар эритиб олинади. Аралашма бульонга қўшилади. Устидан гуруч, кўкатларнинг ярми, ажика, туз ва қалампир солинади.
2. Саримсоқ майда тўғралиб, кўкат ва дафна барглари биргаликда қўшилади. 5 дақиқа давомида паст оловда қайнатилади. Тайёр бўлган шўрвага тўғралган помидор, саримсоқ мойи қўшилади.
3. Лўли-кабоб қовурилади.
4. Идишларга сузилган шўрвага лўли-кабоб солиб, дастурхонга тортилади.