Колбаса ва пишлоқ билан ноодатий мини-пицца тайёрлаб кўринг

Пиццани бир неча усулда тайёрлаш мумкин. Бу сафар ҳам ноодатий рецепт бўйича навбатдаги мазали мини-пицца пишириб кўришни тавсия этамиз.

Керакли маҳсулотлар:

• Қатламали ёки пицца хамири – 150 грамм;
• Помидор соуси – 90 грамм;
• Пишлоқ – 150 грамм;
• Колбаса – 250 грамм;
• Ўсимлик ёғи.

1. Хамир тўртбурчак шаклда ёйилиб, соус суртилади ва устидан қирғичдан ўтказилган пишлоқ  сепилади.
2. Хамир колбаса айланаси кенглигидаги тасма шаклида кесиб олинади.
3. Ҳар бир хамир тасмасига колбаса бўлаклари жойлаштирилиб, рулет шаклида ўралади. Бир тарафи бармоқ учида бироз чимдиб қўйилади.
4. Муффин ширинлиги учун мўлжалланган қолип ёғланиб, хамирнинг япроқдек кўринишга эга колбасали қисми юқорига қаратиб жойлаштирилади.
5. Печда 180 даражада 15-20 дақиқа давомида пишириб олинади.
6. Мини-пиццаларни майонез ва кетчуп билан истеъмол қилиш мумкин.