Бугун,

  • USD 11014.01
  • RUB 191.8
  • EUR 10674.78

TelecomDaily таҳлилчилари булутли видеокузатув ва видеотаҳлил бозорини ўрганиб чиқиб, ҳисобот эълон қилди. Унга кўра, дунёда видеокузатув камералари сони бўйича Хитой, АҚШ ва Россия етакчилик қилмоқда, деб ёзади Meduza.

Фото: «Habr.com»

Фото: «Habr.com»

Дунё мамлакатлари ичида энг кўп камералар Хитойда ўрнатилган — 200 миллион дона, иккинчи ўринда эса АҚШ 50 миллионта камера билан бормоқда. Аҳоли бошига камералар сони бўйича АҚШ Хитойни бироз ортда қолдирмоқда (АҚШда ҳар минг кишига 153 та, Хитойда — 144 та). Россияда эса ҳар минг кишига 93 та камера тўғри келади.

Россияда жами 13,5 миллионта камера ўрнатилган. Уларнинг ярмидан кўпи (58,7 фоизи) — тижорат ташкилотлари ўз хавфсизлигини таъминлаш учун ўрнатган камералардир. 32,8 фоиз камера давлат муассасаларига ва шаҳарлар кўчаларига бюджет ҳисобидан қўйилган. Яна 8,5 фоизи жисмоний шахслар томонидан ўрнатилган.

TelecomDaily ҳисоб-китобларига кўра, барча камераларнинг кўпи билан 5 фоизи булутли видеокузатув (бунда видеооқим булутли омборга қайд этилади)га уланган. Булутли видеокузатув бозори ўсиб бормоқда: тадқиқот маълумотларига кўра, 2020 йил у 28 фоизга ўсиб, 48 миллион долларга, 2024 йилда эса 86 миллион долларга етиши кутилмоқда.

Видеокузатув камералари сони бўйича рўйхатда кейинги ўринларни Германия (5,2 миллион), Япония (5 миллион), Буюк Британия (5 миллион), Вьетнам (2,6 миллион), Франция (1,7 миллион), Жанубий Корея (1 миллион), Австралия (1 миллион) эгалламоқда.

Изоҳ
Асосий янгиликлар