Бош прокуратура «Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида»ги қонун лойиҳасини жамоатчилик муҳокамаси учун эълон қилди, деб хабар бермоқда «Gazeta.uz».
Мазкур ҳужжатга асосан Жиноят кодексини «148-3-моддаси — вояга етмаган шахсни мажбурий меҳнатга жалб қилиш» билан тўлдириш таклиф этилмоқда.
Ушбу моддага кўра, вояга етмаган шахсни унинг соғлиғига, хавфсизлигига ёки ахлоқ-одобига зиён етказиши мумкин бўлган ишларга мажбурий жалб қилиш — БҲМнинг 50 бараваридан 100 бараваригача миқдорда жарима ёки 1 йилгача озодликни чеклаш ёхуд 1 йилгача озодликдан маҳрум қилиш билан жазоланади.
Ўша ҳаракат вояга етмаган шахснинг соғлиғига ўртача оғир шикаст етказилишига сабаб бўлса — 360 соатгача мажбурий жамоат ишлари ёки 1 йилдан 3 йилгача озодликни чеклаш ёхуд 1 йилдан 3 йилгача озодликдан маҳрум қилиш билан жазоланади.
Ўша ҳаракат вояга етмаган шахснинг соғлиғига оғир шикаст етказилишига ёки бошқа оғир оқибатларга сабаб бўлса — 3 йилдан 5 йилгача озодликни чеклаш ёхуд 3 йилдан 5 йилгача озодликдан маҳрум қилиш билан жазоланади.
Бундан ташқари, Жиноят кодексининг «216-1-моддаси — ғайриқонуний жамоат бирлашмалари ва диний ташкилотлар фаолиятида қатнашишга ундаш» иккинчи қисм билан тўлдирилмоқда: Ўша ҳаракатлар вояга етмаган шахсга нисбатан содир этилган бўлса — 3 йилдан 5 йилгача озодликни чеклаш ёки 3 йилдан 5 йилгача озодликдан маҳрум қилиш билан жазоланади.
Мавзуга доир:
- Ўзбекистонда пахта мавсумида мажбурий меҳнатга йўл қўйганлиги учун бешта туман ҳокимига ҳайфсан эълон қилинди
- Ўзбекистонда 2020 йилги пахта мавсумида қанча мансабдор жазолангани маълум бўлди
- «Намангандан шу вақтгача бирор марта ‘гард’ чиқмаган эди». Танзила Норбоева – Наманган мажбурий меҳнат сабаб бутун дунёга «машҳур» бўлгани ҳақида
- Жиззахда «Ҳудудгаз» ва «Ҳудудий электр тармоқлари»нинг ходимлари пахта теримига мажбурлангани маълум бўлди
Изоҳ (0)