Байрам дастурхони учун ноодатий таомлар, янги рецептдаги салат ва ширинликлар рўйхатини тузиш аллақачон авж олган. Ушбу рецепт эса асосий таомлар қаторидан жой олиши шубҳасиз.
Керакли маҳсулотлар:
- Қўй оёғи – 3 килограмм;
- Саримсоқ – 3-4 бўлак;
- Асал – 50 грамм;
- Апельсин – 1 дона;
- Шакар упаси – 100 грамм;
- Хантал – 2 ош қошиқ;
- Зайтун ёғи – 1 ош қошиқ;
- Туз ва зираворлар, прованс ўсимликлари аралашмаси.
- Қўй оёғи гўштига туз, зиравор, прованс ўтлари солинади. Пичоқ ёрдамида тешикчалар ҳосил қилиниб, саримсоқ доначалари жойлаштирилади. Устидан зайтун ёғи ва хантал солиб, қандолат қоғозига ўралади ва зираворларнинг мазаси чиқиши учун бир кечага қолдирилади.
- Печ 180-200 даражага қиздирилади. Гўшт фолга қоғозига ўралиб, 2 соат давомида пиширилади. Гўшт мазали ва сувли бўлиб пишиши учун унга 100 грамм сув қуйиш керак. Шунингдек, вақти-вақти билан пишган гўштдан ҳосил бўлган шарбат гўшт устига сепилади.
- Товага гўштдан ҳосил бўлган шарбатдан 2 ош қошиқ қуйилади ва шакар қўшилади. Шакар эриб, асал ҳолига киргунча аралаштирилади. Паррак ҳолда кесилган апельсин бўлаклари асал устидан солинади.
- Агар гўшт тешиб кўрилганда ундан чиққан шарбат оч рангда бўлса, демак гўшт меъёрида пишган ҳисобланади. Фолга қоғози олиниб, печ панжарасида қизаргунча пиширилади. Бироз қиздирилган асал қўзичоқ оёғига суриб чиқилади. Тайёр бўлган таом кўкатлар билан безатилиб, дастурхонга тортилади.
Изоҳ (0)