Помидор ичига гуруч ва сабзавотлар солиб, антиқа таом тайёрлаймиз

Иштаҳани очувчи ушбу таом ноодатий тарзда тайёрланади. Шунингдек, витаминларга бой мазали таомни пишириш учун кўп вақт сарфлашнинг кераги йўқ.

Керакли маҳсулотлар:

• Гуруч −50-60 грамм;
• Сабзи −1 дона;
• Пиёз −1 дона;
• Помидор −5 дона;
• Пишлоқ −100 грамм;
• Сметана −1 ош қошиқ;
• Ўсимлик ёғи, туз ва зираворлар.

1. Гуруч аввал қайнатиб олинади ва совутишга қўйилади.
2. Сабзи қирғичдан ўтказилади, пиёз майда тўғралади.
3. 7-10 дақиқа давомида пиёз ва сабзи ёғда қовуриб олинади. Устидан туз ва зираворлар, сметана қўшилади. Олов ўчирилгач гуруч аралаштирилади.
4. Помидорнинг тепа қисми пичоқ ёрдамида очилиб ва ичидаги гўштли қисми олиниб, чуқурча ҳосил қилинади.
5. Қирғичдан ўтказилган пишлоқ ва гуручли аралшма солинади. Устидан яна пишлоқ сепилади.
6. Барча помидорлар худди шу тартибда тайёрланиб, 200 даража печда 15-20 дақиқа давомида пишириб олинади.
7. Таом кўкатлар билан безатилиб, дастурхонга тортилади. Ёқимли иштаҳа!