Янги йил дастурхони учун пишлоқли «тарталетка»лар тайёрлаймиз

Бодринг ва булғори қалампири ёрдамида тайёрланган арча кўринишидаги егуликлар дастурхоннинг чиройини, меҳмонларнинг иштаҳасини очиб юбориши шубҳасиз.

Керакли маҳсулотлар:

• Қизил булғори қалампири – 1 дона;
• Саримсоқ – 1-2 бўлак;
• Творогли пишлоқ – 200-250 грамм;
• Бодринг – 1 дона;
• «Тарталетка» – 6-8 дона;
• Қизил икра таъбга кўра;
• Кўкат, туз.

1. Булғори қалампирининг ярми, саримсоқ ва кўкат майда тўғралади. Устидан творогли пишлоқ ва туз солиб, аралаштирилади.
2. «Тарталетка»лар пишлоқли арлашма билан тўлдирилади ва устидан таъбга кўра қизил икра солинади.
3. Ортиб қолган булғори қалампиридан «тарталетка»лар сонига қараб юлдузча шакли кесиб олинади.
4. Шунингдек, бодринг ҳам узунасига жуда юпқа ҳолатда кесиб олинади. Уларнинг сони ҳам «тарталетка»лар билан бир хил бўлиши керак.
5. Бодринг бўлаклари тиш тозалагич чўпига тахлам шаклида киритилади.
6. Уларнинг учига юлдузча шаклидаги булғори қалампири жойлаштирилади ва «тарталетка»лар устига қўйиб чиқилади.
7. «Тарталетка»ларнинг барчаси шу тарзда тайёрланиб, кўкатлар билан безатилади.