Англиянинг “Ливерпуль” клуби яқин кунларда “Ньюкасл Юнайтед” ҳужумчиси Александр Исак учун йирик таклиф тайёрламоқда. Бу ҳақда инсайдер Фабрицио Романо ўзининг ижтимоий тармоқлардаги саҳифасида хабар берди.

Маълумотларга кўра, “Ливерпуль” колумбиялик футболчи Луис Диасни “Бавария”га сотганидан сўнг, ушбу трансфердан тушган 65 миллион фунт стерлинг (тахминан 74,1 миллион евро)ни айнан Александр Исакни харид қилишга йўналтирмоқчи. Клуб раҳбарияти швед ҳужумчиси орқали жамоани кучайтиришни мақсад қилган.
Аввалроқ ОАВда Исакка Саудия Арабистонининг “Ал-Ҳилол” клуби қизиқиш билдиргани ҳақида хабарлар тарқалган эди. Бироқ футболчининг бу таклифни рад этгани ва “Ливерпуль”га ўтишга қизиқиш билдираётгани айтилмоқда.
Маълумот учун, Исак ўтган мавсум “Ньюкасл” сафида Англия Премер Лигаси доирасидаги 34 та учрашувда майдонга тушиб, 23 та гол ва 6 та голли узатма муаллифига айланган. Унинг клуб билан шартномаси 2028 йилнинг ёзига қадар амал қилади. Transfermarkt портали Александр Исакнинг бозор қийматини 120 миллион еврога баҳоламоқда.
Изоҳ (0)