«Ўзбекистон пахта-тўқимачилик кластерлари» уюшмасига раҳбар тайинланди

«Ўзбекистон пахта-тўқимачилик кластерлари» уюшмаси муассислари умумий йиғилиши бўлиб ўтди. Йиғилишда Вазирлар Маҳкамаси билан келишилган қарор қабул қилинган. Бу ҳақда ЎзА хабар қилди.

Унга кўра, Муртазо Раҳматов «Ўзбекистон пахта-тўқимачилик кластерлари» уюшмасига раис этиб тайинланди.

Маълумот учун, уюшма 23 июнь куни Вазирлар Маҳкамасининг «Пахта-тўқимачилик ишлаб чиқаришни янада ривожлантириш чора-тадбирлари тўғрисида»ги қарори билан ташкил қилинган.

Аввалроқ Тошкент ҳокимининг туризм ва спорт ишлари бўйича маслаҳатчиси, Навоий вилояти маъмурий судига раис ҳамда Президент Давлат хавфсизлик хизматига янги раҳбар тайинланган эди.