“O‘zbekiston paxta-to‘qimachilik klasterlari” uyushmasiga rahbar tayinlandi

“O‘zbekiston paxta-to‘qimachilik klasterlari” uyushmasi muassislari umumiy yig‘ilishi bo‘lib o‘tdi. Yig‘ilishda Vazirlar Mahkamasi bilan kelishilgan qaror qabul qilingan. Bu haqda O‘zA xabar qildi.

Unga ko‘ra, Murtazo Rahmatov “O‘zbekiston paxta-to‘qimachilik klasterlari” uyushmasiga rais etib tayinlandi.

Ma’lumot uchun, uyushma 23-iyun kuni Vazirlar Mahkamasining “Paxta-to‘qimachilik ishlab chiqarishni yanada rivojlantirish chora-tadbirlari to‘g‘risida”gi qarori bilan tashkil qilingan.

Avvalroq Toshkent hokimining turizm va sport ishlari bo‘yicha maslahatchisi, Navoiy viloyati ma’muriy sudiga rais hamda Prezident Davlat xavfsizlik xizmatiga yangi rahbar tayinlangan edi.