Ўзбекистон Конституцияси ва «Ногиронлиги бўлган шахсларнинг ҳуқуқлари тўғрисида»ги янги қонун Брайл алифбосида чоп этилди. Бу ҳақда Инсон ҳуқуқлари бўйича миллий марказга таяниб, «Gazeta.uz» маълум қилди.
Қайд этилишича, нашрлар 500 тиражда чиққан ва Ўзбекистон кўзи ожизлар жамияти ва бошқа ташкилотларга беғараз ёрдам сифатида топширилади.
Ушбу расмий нашр Инсон ҳуқуқлари бўйича Ўзбекистон Миллий стратегияси ижроси доирасида Инсон ҳуқуқлари бўйича Ўзбекистон Миллий маркази ва «Адолат» миллий ҳуқуқий ахборот маркази томонидан чоп этилди. Бу эзгу ишда Европада хавфсизлик ва ҳамкорлик ташкилотининг Ўзбекистондаги Лойиҳаларни мувофиқлаштирувчи офиси яқиндан ёрдам берган.
2018 йилнинг декабрь ойида Ўзбекистон матбуот ва ахборот агентлиги (ҳозирги АОКА) «Ёғду» нашриёти билан бирга Ўзбекистон Конституциясининг Брайл алифбосидаги нашрини 50 нусхада чоп этганди. Нашриёт шундай китобдан яна 2000 нусха чоп этишни режалаштирганди.
Мавзуга доир:
- Ногиронлиги бор бўлган шахслар учун «тўсиқсиз муҳит»ни шакллантиришимиз лозим — Танзила Норбоева
- Ўзбекистонда эҳтиёжманд оилалар фарзандларига бериладиган ёрдам пули учун ҳужжатлар талаб қилинаётгани тўғрисидаги хабарга изоҳ берилди
- БМТ ногиронларнинг олий судловда иштирок этишини таъминлаш юзасидан тавсиялар ишлаб чиқди
Изоҳ (0)