Ўзбекистон Олий Мажлис Сенати томонидан Фарғона водийси вилоятларида табиий ва суюлтирилган газ, кўмир ҳамда электр энергияси билан таъминлаш ҳолатини ўрганиш бўйича ишчи гуруҳи тузилди, дея хабар қилмоқда Сенат раиси Танзила Норбоеванинг ижтимоий тармоқдаги саҳифасида.
Маълум қилинишича, ишчи гуруҳ вилоятлардаги Монополияга қарши курашиш бошқармаларида соат 14:00 дан 18:00 га қадар қуйидаги жадвалга асосан қабулни ташкил этади:
- Наманган шаҳрида 27 ноябрь куни;
- Андижон шаҳрида 28 ноябрь куни;
- Фарғона шаҳрида 29 ноябрь куни.
Мавзуга доир: Монополияга қарши курашиш қўмитаси Тошкент вилоятининг электр таъминоти корхоналарини судга берди
Хусусан, Тўрақўрғон, Тахиатош ва Таллимаржон иссиқлик энергия станцияларида кетма-кет авариялар юз бергани маълум бўлди. Фарғона вилоятида электр энергияси таъминотида 28 соатгача узилишлар кузатилмоқда, хусусан, вилоятнинг Ўзбекистон туманида ўн минглаб аҳоли бир суткадан ортиқ электр таъминотисиз қолиб кетди. Каттақўрғонда электрсиз қолган иссиқхона бир кечада 35 минг доллар зарар кўрди, қашқадарёлик тадбиркор уч кун электрсиз қолгани сабаб олти мингта товуғидан айрилди.
Шу билан бирга, Наманганда 55 мингга яқин хонадонда табиий газ таъминотида узилишлар содир бўлаётгани маълум қилинди.
Изоҳ (0)