Қирғизистон президенти вазифасини бажарувчи Садир Жапаров давлат раҳбари лавозимига номзод сифатида рўйхатдан ўтиш учун Марказий сайлов комиссиясига ҳужжатларини юборди, дейилади президентнинг веб-сайтидаги баёнотда.
«14 ноябрь куни Жапаров Қирғизистон Сайлов ва референдумларни ўтказиш бўйича Марказий сайлов комиссиясига президентликка номзодини кўрсатиш учун ҳужжатлар тўпламини тақдим этди», – дейилади хабарда.
Жапаров президентликка номзодини илгари суриш ниятида эканлиги тўғрисида баёнотдан ташқари, МСКга бошқа давлатнинг фуқаролиги йўқлиги тўғрисидаги маълумотларни, давлат тилини билиши тўғрисидаги гувоҳномани ва бошқа керакли сертификатлар, ҳужжатлар шакллари ва нусхаларини тақдим этди.
Маълум қилинишича, 41 киши президент сайловларида иштирок этиш учун МСКга ҳужжатларини топширган, улардан бири ўз аризасини қайтариб олган.
Эслатиб ўтамиз, Садир Жапаров 15 октябрь куни Сўронбай Жээнбеков Қирғизистон президентлиги лавозимидан истеъфога чиққач, Қонунчилик кенгаши спикери Канат Исаев давлат раҳбарининг вазифаларини вақтинча бажаришни рад этганидан сўнг президент вазифасини бажарувчига айланди. У мамлакат у мамлакат раҳбари вазифасини бажарувчи ваколатларини декабрь ойида топширади. Қирғизистонда муддатидан олдинги президентлик сайловлари 2021 йилнинг 10 январида бўлиб ўтади.
Аввалроқ Шавкат Мирзиёев телефон орқали Садир Жапаров билан стратегик шериклик муносабатларини муҳокама қилганди.
Изоҳ (0)