Трамп бутун АҚШ аҳолиси учун COVID-19’га қарши вакцинанинг пайдо бўлиш санасини маълум қилди

Америкаликлар коронавирусга қарши АҚШда яратилган вакцинадан кейинги йилнинг апрелидан бошлаб фойдаланиши мумкин бўлади. Бу ҳақда президент Дональд Трампга таяниб, Reuters хабар берди. АҚШ озиқ-овқат ва дори-дармон воситалари сифати масалалари бўйича бошқармаси (FDA) тез орада мамлакатда яратилаётган вакциналардан бирини тасдиқлаши мумкин.

Трампнинг таъкидлашича, вакцина тайёр бўлиши билан у Нью-Йоркдан бошқа барча штатларга етказиб берилади, чунки губернатор Эндрю Куомо ушбу масалани кейинроққа суришга қарор қилган. «Буни сиёсий нуқтаи назардан яхши деб ўйламайман, у вакцина бўйича шошилмоқчи эмас», — дейди президент. Унинг сўзларига кўра, Куомо ушбу масалада Трамп администрациясига ишонмаслигини шама қилган. «Рухсат бўлмагунича, Нью-Йоркка вакцинани етказиб бермаймиз», — дейди у.

Губернаторнинг ўзи кейинроқ ушбу масалага тўхталиб, Трампнинг ўзини нуқтаи назари борасидаги сўзлари ҳақиқатга мос келмаслигини айтган. Куомонинг катта маслаҳатчиси Рич Аззопарди ўзининг Twitter’даги саҳифасига у «COVID-19’дан энг кўп жабр чеккан жамият кўпроқ вакцина олиши учун курашаётгани»ни ёзган. Нью-Йорк бош прокурори Летиция Жеймс эса ўз навбатида вакцина штатга етказиб берилмаса, Трампнинг устида судга шикоят қилишини айтган.

Аввалроқ сентябрь ойининг ўрталарида АҚШ президенти коронавирусга қарши вакцинанинг мамлакат аҳолиси ўртасида кенг тарқатиш октябрь ойидан бошланишини маълум қилганди.

Россия Соғлиқни сақлаш вазирлигининг терапия ва умумий тиббий амалиёт бўйича бош мутахассиси Оксана Драпкина коронавирус инфекциясига қарши яна бир самарали вакцина пайдо бўлишини «хушхабар» деб атади. У Россиянинг «Спутник V» препарати самарадорлиги ҳам 90 фоиздан юқорилигини билдирган.