Дунёда коронавирус билан касалланганлар сони 53 миллиондан ошди

Жонс Ҳопкинс университети маълумотларига кўра, дунёда коронавирус аллақачон 53 миллиондан ортиқ одамда аниқланган, дея хабар қилмоқда «РБК».

Коронавирусга чалинган одамлар сони икки кун ичида 1 миллионга кўпайган. 12 ноябрь куни 52 миллионлик чизиқ кесиб ўтилганди. Ноябрь ойининг бошидан бери COVID-19 билан касалланганлар сони 7 миллионга кўпайган.

Энг кўп коронавирусга боғлиқ ҳолатлар қуйидаги бешта мамлакатда аниқланган:

• АҚШ – 10,7 миллион
• Ҳиндистон – 8,7 миллион
• Бразилия – 5,8 миллион
• Франция – 1,9 миллион
• Россия – 1,4 миллион

Энг кам COVID-19’га чалинганлар, асосан, орол давлатларда аниқланган. Булар Маршалл ороллари (1 киши), Сулаймон ороллари (16), Сент-Китс ва Невис (19), Шарқий Тимор (30), Гренада ва Фижи (мос равишда 32 ва 35).

Маълумот учун, дунёда коронавирусга чалинганлар сони 5 октябрь куни 35 миллиондан, 11 октябрь куни 37 миллион, 14 октябрь куни 38 миллион, 19 октябрь куни 40 миллион, 22 октябрь куни 41 миллион, 5 ноябрь куни 48 миллион, 9 ноябрь куни 50 миллион кишидан ошганди.