Россиянинг Қозон шаҳридан 700 га яқин Ўзбекистон фуқароси автобусларда ватанга қайтарилмоқда. Бу ҳақда Ўзбекистон Транспорт вазирлиги ахборот хизмати хабар берди.
Фото: Ўзбекистон Транспорт вазирлиги ахборот хизмати
Маълум қилинишича, Транспорт вазирлиги ҳузуридаги «Uzautotrans service» корхонаси томонидан 26 сентябрь куни 15 та автобусдан иборат карвон Россия ҳудудидан Ўзбекистон фуқароларини олиб келиш мақсадида йўлга чиққан. Айни дамда ушбу автобуслар Қозон шаҳридан 700 га яқин ўзбекистонликни олиб қайтмоқда. Режага мувофиқ, автобуслар карвони 6 октябрь куни Ўзбекистонга кириб келади.
Аввалроқ Россиянинг Самара ва Ростов вилоятларидаги палатка лагерларда яшаган ўзбекистонликлар автобус ва поездларда ватанга қайтарилганди.
