Rossiyaning Qozon shahridan 700 ga yaqin O‘zbekiston fuqarosi avtobuslarda vatanga qaytarilmoqda. Bu haqda O‘zbekiston Transport vazirligi axborot xizmati xabar berdi.
Ma’lum qilinishicha, Transport vazirligi huzuridagi “Uzautotrans service” korxonasi tomonidan 26-sentabr kuni 15 ta avtobusdan iborat karvon Rossiya hududidan O‘zbekiston fuqarolarini olib kelish maqsadida yo‘lga chiqqan. Ayni damda ushbu avtobuslar Qozon shahridan 700 ga yaqin o‘zbekistonlikni olib qaytmoqda. Rejaga muvofiq, avtobuslar karvoni 6-oktabr kuni O‘zbekistonga kirib keladi.
Avvalroq Rossiyaning Samara va Rostov viloyatlaridagi palatka lagerlarda yashagan o‘zbekistonliklar avtobus va poyezdlarda vatanga qaytarilgandi.
Izoh (0)