Instagram ўз фойдаланувчиларининг смартфони орқали уларни ноқонуний равишда кузатаётганликда айбланди. Ижтимоий тармоққа эгалик қиладиган Facebook компанияси ҳозирда тегишли эътирозлар орқали судга берилган, деб ёзади Bloomberg.
Даъвонинг асосини журналистларнинг 2020 йил июлдаги хабарлари ташкил этган. Ғарб нашрлари материалларида ёзилишича, суратлар алмашишга мўлжалланган илова iPhone камераларидан фойдалана олиш имкониятига эга бўлган, ҳатто у фаол бўлмаган тақдирда ҳам.
Ижтимоий тармоқ ушбу айбловни рад этиб, барча айбни дастурий таъминотга ағдарган ва таъкидланишича, ушбу нуқсон тўғриланган. Нуқсон сабабли iOS Instagram камералардан рухсатсиз фойдаланган деб ҳисоблаган.
Сан-Франциско федерал судига тақдим этилган шикоятда Instagram’нинг Нью-Жерсидаги Бриттани Кондити исмли фойдаланувчиси илова камералардан «ўз фойдаланувчиси ҳақидаги қимматли маълумотларни» тўплаш мақсадида фойдаланаётганини билдирган. Шикоятда айтилишича, фойдаланувчиларининг шахсий ва интим маълумотларидан фойдаланган ҳолда Instagram ва Facebook қимматли инсайдларга эга бўлиши ва бозорни таҳлил қилиши мумкин.
Facebook вакиллари ҳозирча вазиятга ҳеч қандай изоҳ бермаган. Август ойида компания юзни таниш технологияси ноқонуний равишда 100 миллиондан ортиқ Instagram фойдаланувчисининг биометрик маълумотларини йиғганликда айбланган эди. Facebook ушбу айбловни рад этиб, Instagram юзни таниш технологиясидан фойдаланмаслигини билдирган.
Эслатиб ўтамиз, шу йилнинг январь ойида Facebook фойдаланувчиларнинг ҳатто сайтдан ташқаридаги маълумотларини ҳам йиғиши ошкор бўлганди.
Мавзуга доир:
- Германияда Facebook’нинг WhatsApp фойдаланувчилари ҳақида маълумот тўплаши тақиқланди
- Британияда қаҳвахона ташрифчиларига Facebook’да қўйилган «лайк» орқали қанча кўп шахсий маълумот тўплаш мумкинлигини кўрсатиб беришди (видео)
- Facebook Туркия фойдаланувчиларнинг шахсий маълумотлари ошкор бўлгани учун 282 минг доллар жарима тўлайди
Изоҳ (0)