Volocopter компанияси янги аэротаксидаги илк парвозлар учун мижозларни рўйхатга олишни бошлади — бу ҳаво транспорти учун у қадар қиммат эмас, бироқ бир неча йил кутишга тўғри келади, деб ёзади Hi-Tech.Mail.ru.
Volocopter янги авлод ҳаво транспортларини яратиш устида иш олиб бораётган кўплаб компаниялардан бири ҳисобланади. У батареялардан қувватланади ва ҳавода худди улкан квадрокоптер каби 18 та ротор двигатели ёрдамида ҳаракатга келади.
Компания Volocopter ёрдамида амалга ошириладиган илк парвозлар учун олдиндан буюртмалар олишни бошлади. Улар орасидан минг нафар иштирокчи танлаб олинади ва улар аэротаксида 15 дақиқа учадиган илк инсонларга айланади. Чипта нархи 300 евро — бунинг ичидан парвоз, суратга олиш ва сертификат ўрин олган.
Чекланган миқдордан ташқари бошқа муаммо ҳам бор — Volocopter лойиҳаси фақат 2-3 йилдан сўнггина амалга оширилади. Шундай экан, чипта эгалари камида 2022 йилда парвоз қила олишлари мумкин.
Интел компанияси иккита йўловчини ташишга қодир Volocopter «учар автомобили»ни CES 2018 кўргазмасида тақдим этганди, 2019 йилда эса Германия стартапи учувчисиз аэротакси лойиҳаси учун Хитой компаниясидан 50 миллион евро жалб қилган.
Мавзуга доир: Австрияда Европадаги илк аэротакси синовдан ўтказилди
Изоҳ (0)