Япониялик эркак 100 кун ичида югура оладиган икки оёқли робот яратиш устида иш бошлади (видео)

Японияда Такаши Кабураги исмли муҳандис инсон бўйи тенги келадиган — 180 сантиметрли роботни 100 кунда яратишга қарор қилди. У ўзининг муваффақияти ва омадсизликлари ҳақида Twitter’даги саҳифаси орқали эълон қилиб бормоқда.

Ихтирочи ушбу тажрибанинг бошлангани тўғрисида 26 июль куни эълон қилган. Айни вақт Такаши лойиҳа устида ишлаётганига салкам 50 кун бўлмоқда ва у амалга оширилган ишларни қисқа видеолар орқали тармоққа жойлаб бормоқда.

https://twitter.com/takashikaburagi/status/1305350878073778176

Кабурагининг ғоясича, робот югура олиши керак, бироқ у тўхташга мажбур эмас. Яна бир шарти робот бўйининг баландлиги муҳандисники билан тенг келиши лозим — 179 сантиметр. Бироқ бу шартли талаб бўлиб, афтидан робот танасининг юқори қисми бўлмайди.

Муҳандис дастлаб роботни оёқлари пластикдан қирқиб олинган ва шарнирларга қотирган, тиззалари букилмайдиган миниатюра моделдан йиғишни бошлаган. Бироқ робот йиқилиб тушаверган. Шунда ихтирочи ўзининг стадионда спорт машқлари бажараётганини суратга олиб, югуриш техникасини ўрганишга киришган. Кейинроқ роботнинг тизза бўғимлари пайдо бўлса ҳам, у йиқилишни давом этган. Шундан сўнг Кабураги одам бўйидек келадиган модель устида иш бошлаган.

２日目、二足になる。
次は補助を考えよう。#yachallenge100days pic.twitter.com/Yxam0LuKEm

— 蕪木孝 (@takashikaburagi) July 27, 2020

Орадан бироз вақт ўтгач робот кроссовкага эга бўлган, тажрибанинг 50-кунига келиб у бир неча қадам ташлай бошлади.

５０日目、走りはしない。#yachallenge100days pic.twitter.com/kqHN5mhkt7

— 蕪木孝 (@takashikaburagi) September 13, 2020

Муҳандис ўз лойиҳаси устида ишлашни давом этмоқда.