YouTube’даги Woodworking Art каналига ёғоч бўлагидан янгиланган Audi Q7 моделининг аниқ нусxаси яратилган видео жойлаштирилди.
Audi Q7’нинг ўйинчоқ моделини яратишда кроссовернинг интернетдаги суратларидан фойдаланилган, холос. Вьетнамлик устада Volkswagen концернининг бирор бир техник ҳужжатлари бўлмаган.
Илмий бўлмаган ёндашувга қарамай, нусхаси аслига жуда ўхшаш чиққан: пропорцияларга эътибор қаратилган, кузов шакли сақлаб қолинган, яратиш қийин бўлган майда деталлардагина бироз хатолик мавжуд.
Woodworking Art каналининг обуначилари геометрик прогресс шаклида ўсмоқда: апрель ойидан буён ушбу каналга бир миллиондан ортиқ одам обуна бўлган ва ҳозирда уларнинг сони 1,5 миллионни ташкил этмоқда.
Март охирида ёғочдан ясалган Toyota Land Crusier 200’га оид видео ҳозирга қадар 100 миллион маротабадан ортиқ томоша қилинган.
Изоҳ (0)