Лондон округ шоссесидан ўтган сув қувурининг ёрилиб кетиши оқибатида йўлларни сув босди: камида саккизта автомобиль сув остида қолган. Улар орасида қизил рангли люкс Ferrari FF модели ҳам бор, деб хабар беради Motor. Воқеа гувоҳлари ғилдирак аркаларига қадар сув остида қолган машинани ва қутқарувчиларни кутаётган ҳайдовчини видеога олишга муваффақ бўлган.
Кўнгилсиз ҳодиса 6 июль, душанба куни Лондондаги А406 ҳалқа йўлида содир бўлган. Йўлнинг ўтиш қисми тўлиқ сув остида қолган, айрим жойларда сув сатҳи ярим метрга қадар кўтарилган. Британия пойтахтининг фавқулодда хизматлари сув тошқинини бартараф этишга тўрт соат вақт сарфлаган. Сув босган ҳудудни кесиб ўтишга уринган машиналар чуқурликни ҳисобга олмагани сабаб йўлда қолиб кетган.
North Circular at Brent Cross looks like a swimming pool. Avoid at all costs. pic.twitter.com/8Hcwj6TKth
— Hilary Brigden (@kilburnhils) July 6, 2020
Улар орасида Ferrari FF модели ҳам бор. Афтидан, ҳайдовчи ер юзаси ва суперкарнинг таг қисми орасидаги масофа 120 миллиметрни ташкил этадиган машина ёрдамида тошқиндан ўтиб кетишига ишонган. Натижада машина сув ичида қолиб кетган.
Изоҳ (0)