YouTube’dagi Woodworking Art kanaliga yog‘och bo‘lagidan yangilangan Audi Q7 modelining aniq nusxasi yaratilgan video joylashtirildi.
Audi Q7’ning o‘yinchoq modelini yaratishda krossoverning internetdagi suratlaridan foydalanilgan, xolos. Vyetnamlik ustada Volkswagen konsernining biror bir texnik hujjatlari bo‘lmagan.
Ilmiy bo‘lmagan yondashuvga qaramay, nusxasi asliga juda o‘xshash chiqqan: proporsiyalarga e’tibor qaratilgan, kuzov shakli saqlab qolingan, yaratish qiyin bo‘lgan mayda detallardagina biroz xatolik mavjud.
Woodworking Art kanalining obunachilari geometrik progress shaklida o‘smoqda: aprel oyidan buyon ushbu kanalga bir milliondan ortiq odam obuna bo‘lgan va hozirda ularning soni 1,5 millionni tashkil etmoqda.
Mart oxirida yog‘ochdan yasalgan Toyota Land Crusier 200’ga oid video hozirga qadar 100 million marotabadan ortiq tomosha qilingan.
Izoh (0)