Хитой ҳукумати мамлакатда сотиладиган машиналар салонидаги ҳавонинг тозалигини белгиловчи меъёрларни ишлаб чиқмоқда. Экспертларнинг фикрича, янги қоидалар дунёдаги энг катта автомобиль бозорларининг бирида импорт нархларининг кескин кўтарилишига олиб келади, деб хабар беради Motor.
Ўрнатиладиган меъёрлар автомобиль ишлаб чиқарувчилар учун қимматга тушади, улар фойдаланадиган маҳсулотларнинг сифатини диққат билан кузатади ва қиммат материаллардан фойдаланишга мажбур бўлади.
Автомобиль салонидаги ҳавонинг тозалиги машина бир неча соат эшик ва ойналари ёпиқ ҳолда турганидан сўнг текширилади.
Текшириш давомида мутахассислар формальдегид ва бензол миқдорини, шунингдек, замонавий автомобилларда кўтарилиб кетган электромагнит нурланиш даражасини ўлчайди.
2011 йили Хитойда транспорт воситаларидаги ҳаво сифатини назорат қилиш бўйича қўлланма ишлаб чиқилган эди, бироқ у ҳозирга қадар фақат тавсия характерига эгалигича қолган.
Март ойида Хитойнинг Geely компанияси коронавирусга қарши ҳимояга эга кроссовер ишлаб чиқаришни бошлагани ва ушбу моделга бир суткада 30 мингта буюртма келиб тушгани тўғрисида хабар берилганди.
Изоҳ (0)