YouTube’даги «808» каналининг муаллифлари «УАЗ» базасида яратилган ғилдираклар устидаги ихчам уй ҳақида сўзлаб берди. Бу турдаги «УАЗ» пикапларини йиғиш билан Москва вилоятидаги Lux Form компанияси шуғулланиб келади.
Мазкур «УАЗ»нинг радиатор панжараси алмаштирилган, кенгурятник ва шноркель ўрнатилган, ғилдирак аркалари кенгайтирилиб, шиналар йўлтанламасникига ўзгартирилган. Шу билан бирга, автомобиль баландлиги кўтарилган, «подвеска»да эса янги амортизаторлар пайдо бўлган. Кузов занглашга қарши ва эсктремал ҳароратларга бардошли Raptor билан қопланган.
«Эльбурс» модулининг том қисми электр узатмали бўлиб, 22 сонияда кўтарилади. Унинг ташқи томонида эса майда-жуйда нарсаларни сақлашга мўлжалланган кўплаб бўлмалар мавжуд.
Кичик эшик билан чиқиладиган модуль ичида уч кишига мўлжалланган жой, стол, раковина, музлатгич ва санузел мавжуд. Бундан ташқари, розетка ва ёритиш тизимини ток билан таъминловчи аккумулятор ўрин олган. Том қисмига люк, девроларига эса кичкина деразалар ўрнатилган.
Машина 150 от кучига эга 2,7 литрли «ЗМЗ Про» мотори ёрдамида ҳаракатга келади. «Эльбурс» номини олган мазкур модель нархи 2,5 миллион рубль (35 минг доллар).
Аввалроқ Ульяновск автозаводи Lux Form компанияси билан ҳамкорликда «Буханка» базасида «Байкал» номли навбатдаги автоуйни яратгани тўғрисида хабар берилганди.
Мавзуга доир: Америкалик эркак ити билан саёҳат қилиш мақсадида Honda NSX’ни автоуйга айлантирди (видео)
Изоҳ (0)