Xitoy hukumati mamlakatda sotiladigan mashinalar salonidagi havoning tozaligini belgilovchi me’yorlarni ishlab chiqmoqda. Ekspertlarning fikricha, yangi qoidalar dunyodagi eng katta avtomobil bozorlarining birida import narxlarining keskin ko‘tarilishiga olib keladi, deb xabar beradi Motor.
O‘rnatiladigan me’yorlar avtomobil ishlab chiqaruvchilar uchun qimmatga tushadi, ular foydalanadigan mahsulotlarning sifatini diqqat bilan kuzatadi va qimmat materiallardan foydalanishga majbur bo‘ladi.
Avtomobil salonidagi havoning tozaligi mashina bir necha soat eshik va oynalari yopiq holda turganidan so‘ng tekshiriladi.
Tekshirish davomida mutaxassislar formaldegid va benzol miqdorini, shuningdek, zamonaviy avtomobillarda ko‘tarilib ketgan elektromagnit nurlanish darajasini o‘lchaydi.
2011-yili Xitoyda transport vositalaridagi havo sifatini nazorat qilish bo‘yicha qo‘llanma ishlab chiqilgan edi, biroq u hozirga qadar faqat tavsiya xarakteriga egaligicha qolgan.
Mart oyida Xitoyning Geely kompaniyasi koronavirusga qarshi himoyaga ega krossover ishlab chiqarishni boshlagani va ushbu modelga bir sutkada 30 mingta buyurtma kelib tushgani to‘g‘risida xabar berilgandi.
Izoh (0)