29 май, жума куни дунёнинг турли бурчакларидан олинган энг қизиқарли суратлар жамланмасини тақдим этамиз.
Ўзбекистон Президенти Шавкат Мирзиёев Сергели туманида барпо этилган 16 қаватли уйни бориб кўрди. Давлат раҳбари Шарофиддин ва Шаҳноза Жўрабоевлар хонадонида бўлиб, улар билан суҳбатлашди.
Фото: Президент матбуот хизмати
Москвада Кремль девори ёнидаги «Номаълум аскар қабри»да фахрий қоровул навбат алмашмоқда.
Фото: «ТАСС»
Мавзуга доир: Россияда сутка давомида 8572 кишида коронавирус қайд этилди. Беморларнинг 232 нафари вафот этди
Германиянинг Франкфурт шаҳрида қуёш чиқар вақти гуллаб ётган лола даласи.
Фото: AP Photo
Ҳиндистоннинг Калкутта шаҳрида гўзаллик салони ходимлари мижозларни кутмоқда.
Фото: Reuters
Испаниянинг Барселона шаҳрида Nissan заводи ишчилари Франк ҳудудидаги заводнинг ёпилишига қарши намойишга чиқди. Коронавирус пандемияси ишлаб чиқариш секторига мисли кўрилмаган иқтисодий талафот етказди.
Фото: Reuters
АҚШнинг Финикс шаҳрида Брофи коллежининг юқори синф ўқувчилари диплом олиш учун саҳнага чиқиш олдидан навбат кутмоқда. Стулларда маросимга кела олмаган ўқувчиларнинг суратлари.
Фото: AP Photo
Мадридда иқлим ўзгаришига қарши намойишда пойабзаллар ичига солинган новдалар. Чиқишларнинг асосий шиори «COVID бугун бор, иқлим инқирози эртага».
Фото: EPA
Австралиянинг Сидней шаҳрида триатлончи Эмма Жефкут Ди Уай ҳудудида машқ қилмоқда. У одатда ярим йиллаб машқ ва мусобақаларда қатнашиш учун хорижда юради.
Фото: EPA
Рио-де-Жанейрода янги хўжайинлари олиб кетишидан аввал ветериналар кўригидан ўтаётган ит. Гуаратиба туманидаги ҳайвонлар учун бошпана уй ҳайвонларини карантинда ўтирган одамларга етказиб бериш билан шуғулланади.
Фото: Getty Images
Лондондаги Даунинг-стрит кўчаси дарвозалари қаршисида миллий соғлиқни сақлаш тизимини қўллаб-қувватлашга чиққан шифокорлар.
Фото: Reuters
Токиода тиббиёт ходимларини олқишлаш учун осмон узра парвоз қилаётган ҳарбий учувчилар.
Фото: Reuters
АҚШ президенти Дональд Трамп ижтимоий тармоқларнинг компанияларига тааллуқли ижро қарорини журналистлар билан муҳокама қилмоқда. Бош прокурор Уильям Барр уни тингламоқда.
Фото: Reuters
Пекинда ўтказилган Миллий вакиллар мажлиси олдидан коронавирусга тест топшираётган журналистлар.
Фото: Reuters
Мавзуга доир: Хитойда сутка давомида янги касалланиш ҳолатлари қайд этилмади, Жанубий Кореяда эса яна 58 киши коронавирусга чалинди
Филиппиннинг Манила шаҳрида яшовчи рассом қайта ишланган идишлардан ясаган ниқобини намойиш этмоқда.
Фото: Reuters
Ҳиндистоннинг Нью-Деҳли шаҳридаги шифохонада қўлини дуога очган коронавирусга чалинган бемор.
Фото: Reuters
Мексиканинг Мехико шаҳрида деворга чизилган аёл сурати.
Фото: Reuters
Мавзуга доир: Сирли рассом Тошкентдаги бинолар деворларини коронавирус пандемияси мавзусидаги граффитилар билан безатмоқда (фото)
Сенегалнинг Дакар шаҳрида келгуси ҳафтада очилиши керак бўлган қишлоқ мактабларига бориш учун ҳукумат автобусларини кутиб ўтирган ўқитувчилар ва уларнинг болалари.
Фото: Reuters
Ҳиндистоннинг Мумбай шаҳрида темир йўлда транспорт кутаётган йўловчилар.
Фото: Reuters
Чехиянинг Прага шаҳрида футбол бўйича миллий чемпионат доирасидаги «Спарта» ва «Виктория Пльзень» клублари баҳсини драйв-ин кинотеатрида туриб томоша қилаётган ишқибозлар.
Фото: Reuters
Индонезиянинг Жакарта шаҳрида карантин уйига айлантирилган ўқув маркази балконларида машқ бажараётган беморлар.
Фото: Reuters
Аввалги кунларнинг фотогалереялари:
- Зумба тушаётган шифокорлар, сукут билан бошланган футбол баҳслари, тутаётган автомобиль заводи. 28 май суратлари
- Муҳокамага сабаб бўлган Амир Темур ҳайкали, намойишга чиққан дунё, пляждаги бульдозер. 27 май суратлари
- Тошкентнинг «қизил»га айланиш эҳтимоли, тарозидаги тошбақа, намойишга чиққан тиббиёт ходимлари. 26 май суратлари
- Мактабга қайтган ўқувчилар, голф ўйнаётган Трамп, фаолиятини тиклаган метро. 25 май суратлари
