БМТ қошидаги Жаҳон туризм ташкилоти (UNWTO) бош котиби Зураб Пололикашвили коронавирус пандемиясидан кейин туристлар орасида қишлоқларга саёҳат қилиш авжига чиқишини тахмин қилди, дея унинг сўзларини келтирган Handelsblatt.
Экспертнинг тахминига кўра, саёҳатнинг ушбу тури янада оммалашади, сабаби туристлар одамлар тўпланадиган жойлардан, хусусан, соҳил бўйи ва денгиз курортларидан қоча бошлайди.
«Испанияда жой банд қилганларнинг 70 фоизи қишлоқларга боришни истаётгани маълум қилинган», — дейди Пололикашвили.
У янги тенденция ижобий ҳодиса бўлиши, сабаби сайёҳлар учун унчалик оммавий бўлмаган жойлар ҳам энди даромад қилиши мумкинлигини қайд этган.«Биз қишлоқлар бўйлаб саёҳат туризми коронавирус инқирозидан чиқиш шароитида яхши даромад олиб келадиган тенденция деб ҳисоблаймиз», — дея таъкидлаган Жаҳон туризм ташкилоти раиси.
Шунингдек, у яқин йилларда тоғ ва тоғолди ҳудудлари, қишлоқларга саёҳат қилишга бўлган талаб жуда юқори бўлишини айтиб ўтди.
Бундан ташқари, Пололикашвили дам олувчиларнинг хорижга сафар қилишда аҳамият берадиган жиҳатлари ҳам кўпайишини тахмин қилди. Унинг фикрича, энди туристлар маҳаллий соғлиқни сақлаш тизими хизматларининг сифатига эътибор қаратади.
Аввал Зураб Пололикашвили халқаро туризмнинг 2020 йил августидан аввал бошланмаслигини маълум қилган ва туристик саёҳатларнинг 70 фоизга қисқариши, мамлакатлар эса август—сентябрь ойларидан сайёҳлар учун чегараларини очишини билдирганди.
Мавзуга доир:
Изоҳ (0)